Visa: అమెరికా వీసా కోసం 13 నెలల వరకు నిరీక్షణ.. భారతీయ దరఖాస్తుదారులకు తలనొప్పి!
ఈ వార్తాకథనం ఏంటి
అమెరికా వీసా కార్యకలాపాలు పునఃప్రారంభమైనప్పటికీ, టూరిస్ట్, బిజినెస్ (B1/B2) వీసాల డిమాండ్ అధికంగా ఉంది.
అందుబాటులో ఉన్న అపాయింట్‌మెంట్ స్లాట్‌లకు పోలిస్తే దరఖాస్తులు ఎక్కువగా ఉండటంతో, భారతదేశంలోని అమెరికా కాన్సులేట్‌ల వద్ద వీసా దరఖాస్తులు భారీగా పెండింగ్‌లో ఉన్నాయి.
ఏవియేషన్ న్యూస్ నివేదిక ప్రకారం, హైదరాబాద్, ఢిల్లీ, ముంబై, చెన్నైలో వీసా అపాయింట్‌మెంట్‌ల కోసం నిరీక్షణ సమయం 7.5 నుండి 13.5 నెలల మధ్య ఉంది.
ముఖ్యంగా చెన్నైలో ఇది 13.5 నెలలకు చేరుకుని, అనేక మంది ముఖ్య కార్యక్రమాలు, పెళ్లిళ్లు, వ్యాపార సమావేశాలు మిస్ అవుతున్నారని సమాచారం.
ఈ సుదీర్ఘ ఆలస్యం కారణంగా, కుటుంబ వేడుకలు, పెళ్లిళ్లు, వ్యాపార సమావేశాలు, అత్యవసర పరిస్థితులలో కూడా ప్రయాణాలు ఆపేసింది.
Details
B1/B2 వీసా అపాయింట్‌మెంట్ పొందడం చాలా కష్టం
అత్యవసర కేసుల కోసం ఇచ్చే ప్రాధాన్యతా అపాయింట్మెంట్లు పరిమితంగా ఉండటం వల్ల ఉపశమనం చాలా తక్కువగా ఉంది.
పెళ్లి కోసం న్యూయార్క్ వెళ్లే గృహిణి తెలిపిన వివరాల ప్రకారం, వచ్చే ఏడాది మార్చిలోనే మొదటి అపాయింట్‌మెంట్ అందుబాటులో ఉంది,
ఆ సమయంలో పెళ్లి పూర్తవుతుంది. ఢిల్లీ, ముంబైలో కూడా నిరీక్షణ సమయం తొమ్మిది నెలలకు పైగా ఉంది. దీంతో దేశవ్యాప్తంగా B1/B2 వీసా అపాయింట్‌మెంట్ పొందడం చాలా కష్టం అయింది.
వ్యాపార ప్రయాణికులు ఈ పరిస్థితి వల్ల ఎక్కువ ఇబ్బంది పడుతున్నారు.
అపాయింట్‌మెంట్ వ్యవస్థలో స్పష్టత లేకపోవడంతో, దరఖాస్తుదారులు పోర్టల్‌ను పునఃపునః తనిఖీ చేస్తున్నా కూడా అపాయింట్‌మెంట్ పొందడం సులభం కావడం లేదు.
Details
ఏడాది వరకూ వేచి ఉండాల్సిన పరిస్థితి
దీంతో వారి ప్రయాణ ప్రణాళికలు రద్దవుతుండగా, సాధారణ దరఖాస్తుదారులు ఏడాది వరకు వేచి ఉండాల్సి వస్తోంది. ఈ సమయంలో పరిమిత ప్రాధాన్యతా స్లాట్‌లు ముఖ్యంగా అత్యవసర కేసులు మరియు విద్యార్థి వీసాలకు కేటాయిస్తున్నారు.
ట్రావెల్ ఏజెంట్స్ ఫెడరేషన్ ఆఫ్ ఇండియా (ఏపీ, తెలంగాణ) ఛైర్మన్ ఫహీమ్ షేక్ మాట్లాడుతూ, అమెరికాలో రాబోయే విద్యా సంవత్సరానికి సిద్ధమవుతున్న F1 విద్యార్థులకు ప్రాధాన్యతా అపాయింట్మెంట్లు ఎక్కువగా ఇస్తున్నారని తెలిపారు.
ఇంకా, అమెరికా వీసా కార్యకలాపాలపై కొత్త ఆంక్షలు కూడా విధించారు.
అక్రమ వలసలను ప్రోత్సహిస్తున్నట్టు ఆరోపణలు ఎదుర్కొంటున్న భారతీయ ట్రావెల్ ఏజెన్సీల యజమానులు, ఎగ్జిక్యూటివ్‌లు, సీనియర్ అధికారులు అమెరికా ప్రభుత్వం సోమవారం వీసా పరిమితులు విధించింది.
Details
అక్రమ వలసలను అడ్డుకోవడానికి వీసా ఆంక్షలు
స్టేట్ డిపార్ట్‌మెంట్ ప్రకటన ప్రకారం, కాన్సులర్ అఫైర్స్, డిప్లొమాటిక్ సెక్యూరిటీ సర్వీస్ ప్రతిరోజూ అక్రమ వలసలు, మానవ అక్రమ రవాణా, ట్రాఫికింగ్‌లో పాల్గొన్న వారిని గుర్తించి లక్ష్యంగా చేసుకుంటోంది.
అక్రమ వలసలను అడ్డుకోవడానికి ఈ వీసా ఆంక్షలు తీసుకుంటున్నారు.
అక్రమ వలసల నెట్‌వర్క్‌లను నిరోధించడం, చట్ట ఉల్లంఘనలో పాల్గొనేవారిని బాధ్యులను చేయడం ఈ వీసా ఆంక్షల ముఖ్య ఉద్దేశ్యాలు.
ఈ విధానం ప్రపంచవ్యాప్తంగా వర్తించడంతో, వీసా మినహాయింపు కార్యక్రమంలోని అర్హులు కూడా ఈ ఆంక్షల పరిధిలోకి వస్తున్నారు.
ప్రభావితమైన ట్రావెల్ ఏజెన్సీలు లేదా వ్యక్తుల వివరాలను అడిగినా, న్యూఢిల్లీలోని అమెరికా ఎంబసీ అధికారి స్పష్టమైన సమాచారం ఇవ్వడానికి మానుకున్నారు.