BBC: బిబిసి డైరెక్టర్ జనరల్,న్యూస్ చీఫ్ ఎందుకు రాజీనామా చేశారు?
ఈ వార్తాకథనం ఏంటి
అమెరికా అధ్యక్షుడు డొనాల్డ్ ట్రంప్ ప్రసంగాల ఆధారంగా రూపొందించిన ఒక డాక్యుమెంటరీని బీబీసీ ఛానల్ ప్రసారం చేసింది. అయితే, ఆ డాక్యుమెంటరీలో ట్రంప్ చేసిన వ్యాఖ్యలను వాస్తవాన్ని వక్రీకరించేలా ఎడిట్ చేశారన్న ఆరోపణలు వచ్చాయి. ఈ వివాదం నేపథ్యంలో బీబీసీకి చెందిన ఇద్దరు ముఖ్య అధికారులు తమ పదవులకు రాజీనామా చేశారు. రాజీనామా చేసిన వారిలో బీబీసీ డైరెక్టర్ జనరల్ టిమ్ డేవ్, న్యూస్ డివిజన్ సీఈఓ డెబోరా టర్నెస్ ఉన్నారు. 2021 జనవరి 6న అమెరికా క్యాపిటల్ భవనంలో జరిగిన హింసాత్మక సంఘటనలకు ట్రంప్ పరోక్షంగా పిలుపునిచ్చినట్లు ఆ డాక్యుమెంటరీలో ప్రసంగాన్ని మార్పులు చేసి చూపినట్టు వెల్లడైంది.
వివరాలు
ఇద్దరు ఉన్నతాధికారులకు మెమోలు
ఈ విషయంపై ఇద్దరు అధికారులకు మెమో జారీ చేయడంతో, వారు బాధ్యత వహిస్తూ రాజీనామా చేశారు. తన రాజీనామా పూర్తిగా వ్యక్తిగత నిర్ణయం అని టిమ్ డేవ్ తెలిపారు. అలాగే, డైరెక్టర్ జనరల్‌గా సంస్థ చేసిన తప్పిదానికి తానే పూర్తి బాధ్యత తీసుకుంటున్నానని లేఖ ద్వారా పేర్కొన్నారు. ఈ డాక్యుమెంటరీని బీబీసీ ప్రసారం చేసే 'పనోరమా' సిరీస్లో భాగంగా చూపించారు. ఈ సిరీస్ కారణంగా బీబీసీ మర్యాద, నమ్మకాన్ని కోల్పోతుందనే అభిప్రాయాన్ని న్యూస్ డివిజన్ సీఈఓ ప్రస్తావించారు. బీబీసీలో ఉన్న ఆ ఇద్దరు ఉన్నతాధికారులకు మెమోలు జారీ చేసిన విషయం టెలిగ్రాఫ్ పత్రికలో వెలుగులోకి రావడంతో, వారు అధికారికంగా తమ రాజీనామాలను సమర్పించారు.