H-1B Visa: అమెరికన్లకు ఉద్యోగాలు రావట్లేదని హెచ్-1బీ వీసాదారులను నిందించడం సరికాదు: భారత సంతతి సీఈఓ
ఈ వార్తాకథనం ఏంటి
అమెరికా ఉద్యోగాలు తొలుత స్వదేశీయులకే దక్కాలనే ఉద్దేశంతో ట్రంప్ ప్రభుత్వం వీసా నిబంధనలను మరింత కఠినతరం చేస్తోంది. ఈ నేపథ్యంలో హెచ్-1బీ వీసాలపై భారత సంతతికి చెందిన సీఈఓ, 'సర్కిల్ ప్లస్ పే' వ్యవస్థాపకుడు నితీశ్ కన్నన్ స్పందించారు. అమెరికన్లకు ఉద్యోగాలు లభించకపోవడానికి హెచ్-1బీ వీసాదారులను బాధ్యులను చేయడం సరికాదని ఆయన అభిప్రాయపడ్డారు. అమెరికాలో కోట్ల సంఖ్యలో ఉద్యోగాలు ఉండగా.. వాటిలో హెచ్-1బీ వీసాదారులకు ఏటా లభించేవి 85వేల ఉద్యోగాలు మాత్రమేనని నితీశ్ కన్నన్ గుర్తుచేశారు. ఈ గణాంకాలను పరిగణనలోకి తీసుకుంటే అమెరికా ఉద్యోగాల సమస్య మొత్తాన్ని హెచ్-1బీ వీసాదారులతో ముడిపెట్టడం సమంజసం కాదని ఆయన పేర్కొన్నారు.
వివరాలు
కంప్యూటర్ రంగాన్ని పరిశీలించినా ఇదే పరిస్థితి
''అమెరికా కంపెనీలు స్థానికులకు బదులుగా హెచ్-1బీ వీసాదారులను ఎందుకు నియమించుకుంటున్నాయనే ప్రశ్న ముందుగా రావాలి.వాస్తవానికి ప్రతి ఏడాది 85వేల హెచ్-1బీ వీసాలే జారీ అవుతున్నాయి. అదే సమయంలో అమెరికాలో సుమారు 55-60లక్షల ఉద్యోగ అవకాశాలు అందుబాటులో ఉంటున్నాయి'' అని ఆయన తెలిపారు.
కంప్యూటర్ రంగాన్ని పరిశీలించినా ఇదే పరిస్థితి కనిపిస్తుందని నితీశ్ కన్నన్ వివరించారు.
ఒక్క ఈ రంగంలోనే దాదాపు 5లక్షల ఉద్యోగాలు అందుబాటులో ఉండగా.. ప్రతి ఏడాది సుమారు 50వేల మంది అమెరికన్లు మాత్రమే కంప్యూటర్ సైన్స్లో గ్రాడ్యుయేషన్ పూర్తి చేస్తున్నారని చెప్పారు.
ఈ గణాంకాలను చూస్తే హెచ్-1బీ వీసాదారులకు, అమెరికాలో చదువు పూర్తి చేసిన గ్రాడ్యుయేట్లకు సరిపడా ఉద్యోగ అవకాశాలు ఉన్నట్లు స్పష్టమవుతోందని ఆయన అభిప్రాయపడ్డారు.
వివరాలు
హెచ్-1బీ వీసాదారులను నియమించడం అంత సులభం కాదు
అందువల్ల ఒక వర్గానికి ఉద్యోగాలు రావడం లేదనే కారణంతో మరో వర్గాన్ని నిందించడం సరైన విధానం కాదని సూచించారు.
హెచ్-1బీ వీసాపై ఉద్యోగిని నియమించుకోవడం అమెరికా కంపెనీలకు అంత తేలికైన ప్రక్రియ కాదని నితీశ్ కన్నన్ పేర్కొన్నారు.
దీనికి చాలా సమయం, శ్రమతో పాటు భారీగా ఖర్చు కూడా అవుతుందని వివరించారు.
వివరాలు
హెచ్-1బీ వీసాదారులను నియమించడం అంత సులభం కాదు
''అర్హతలు కలిగిన అమెరికన్ అభ్యర్థులు అందుబాటులో ఉన్నప్పుడు.. ఒక కంపెనీ ఇంతటి కష్టమైన, ఖర్చుతో కూడిన హెచ్-1బీ ప్రక్రియను ఎందుకు ఎంచుకుంటుంది? స్థానికంగా తగిన అభ్యర్థి లభిస్తే అమెరికన్ కంపెనీ అతడినే నియమించుకుంటుంది కదా'' అని నితీశ్ కన్నన్ ప్రశ్నించారు.
అందువల్ల అమెరికా ఉద్యోగాలపై జరుగుతున్న చర్చలో హెచ్-1బీ వీసాదారుల సంఖ్య, అందుబాటులో ఉన్న మొత్తం ఉద్యోగాలు, ఆయా రంగాల్లో ఉన్న నైపుణ్యాల అవసరాన్ని కూడా పరిగణనలోకి తీసుకోవాలని ఆయన సూచించారు.
ట్విట్టర్ పోస్ట్ చేయండి
నితీశ్ కన్నన్ చేసిన ట్వీట్
Why do American companies hire H1B visa holder instead of American citizens?
— Nitish Kannan (@nitut1) September 2, 2026
They don't. There are a total of 85,000 H1-B visas available every year
[1]. At any given time there are approximately 5.5–6 million jobs open in the US[2], and 500,000 computer jobs alone[3]. But there…