టేకాఫ్‌ అవుతున్న విమానంలో అరుపులు, కేకలు.. డోర్ తీయబోయిన యువకుడు అరెస్ట్
ఈ వార్తాకథనం ఏంటి
లండన్‌ వెళ్తున్న ర్యాన్‌ఎయిర్‌ విమానంలో వింత ఘటన చోటు చేసుకుంది. టేక్ ఆఫ్ చేసేందుకు సిద్ధంగా ఉన్న విమానంలో ఓ వ్యక్తి అలజడులు సృష్టించాడు. ఫలితంగా తోటి ప్రయాణికులంతా భయబ్రాంతులకు గురయ్యారు. ఈ ఘటన జాదర్‌ నగరంలో చోటు చేసుకుంది.
క్రొయేషియాలోని జాదర్‌ నుంచి విమానం బయలుదేరేందుకు సన్నద్ధమైంది. ఈ క్రమంలో ప్రయాణికులంతా టేక్ ఆఫ్‌కు రెఢీ అవుతున్నారు. మరికాసేపట్లో సదరు ఫ్లైట్ గాల్లోకి ఎగురనుందని సిబ్బంది అనౌన్స్మెంట్ కూడా ఇచ్చేశారు.
ఇంతలోనే ఓ యువకుడు తన పక్క సీట్ ప్యాసింజర్‌తో వాగ్వాదానికి దిగుతూ సీట్లో నుంచే లేచి నిలబడ్డాడు. విమానం డోర్ తీయండంటూ పెద్దగా అరుస్తూ డోర్ వైపు దూసుకెళ్తున్నాడు. దీంతో విస్తుబోయిన ప్రయాణికులు ఒక్కసారిగా షాక్‌ అయ్యారు.
DETAILS
విమానం తలుపు వద్ద యువకుడిని కిందపడేసిన తోటి ప్రయాణికులు
యునైటెడ్ కింగ్‌డమ్ (యూకే)కి చెందిన 27 ఏళ్ల యువకుడు ర్యాన్‌ఎయిర్‌ విమానంలో జాదర్‌ నుంచి లండన్‌ వెళ్తున్నాడు.
ఫ్లైట్ టేక్‌ఆఫ్‌ తీసుకునేందుకు సిద్ధమవుతున్న సమయంలో కేకలతో తన సీట్లో నుంచి లేచాడు. ఈ క్రమంలో విమానం తలుపు వద్దకు అడుగులు వేస్తున్న క్రమంలో ఓ వ్యక్తి అతడ్ని అడ్డుకున్నాడు.
క్షణాల్లో మరో ప్రయాణికుడు తోడవడంతో ఇద్దరూ కలిసి సదరు వివాదాస్పద యువకుడిని కిందకు నెట్టారు. విషయం గమనించిన ఫ్లైట్ సిబ్బంది నిందితుడ్ని స్థానిక పోలీసులుకు అప్పజెప్పారు.
అనంతరం విమానం టేక్ తీసుకుంది. ఈ ఆకస్మిక పరిణామాన్ని ప్రయాణికులు తమ ఫోన్లలో రికార్డు చేశారు. ప్రస్తుతం ఆ వీడియో సామాజిక మాధ్యమాల్లో హల్ చల్ చేస్తోంది.