BYD Cars: అప్డేట్ ఫీచర్లతో మార్కెట్లో హల్చల్ చేస్తున్న BYD కార్లు
ఈ వార్తాకథనం ఏంటి
చైనా కార్ల తయారీ దిగ్గజం BYD 2025 నాటికి భారత మార్కెట్లో తన రెండు ప్రధాన ఎలక్ట్రిక్ కార్లు BYD సీల్, BYD అట్టో 3 మోడళ్లను నవీకరించింది.
ఈ కొత్త వేరియంట్లలో అధునాతన ఫీచర్లను చేరుస్తూనే, కొన్ని సాంకేతిక మెరుగుదలలను కూడా ప్రవేశపెట్టింది.
భారతీయ ఆటో మార్కెట్లో BYD గణనీయంగా తన స్థాయిని పెంచుకుంటోంది. ఇప్పటివరకు కంపెనీ 1,300 యూనిట్ల BYD సీల్ సెడాన్, అలాగే 3,100 యూనిట్ల BYD అట్టో 3 SUV విక్రయించింది.
వివరాలు
BYD సీల్ 2025: కొత్త అప్‌డేట్‌లు
నూతన BYD సీల్ మోడల్‌లో కొన్ని కీలక మార్పులను తీసుకువచ్చారు.
ముఖ్యంగా, అన్ని వేరియంట్లలో పవర్డ్ సన్‌షేడ్ అందుబాటులోకి వచ్చింది, ఇది దీర్ఘకాలం డ్రైవింగ్ చేసేవారికి ఎంతో ప్రయోజనకరంగా ఉంటుంది.
క్యాబిన్ వేడెక్కకుండా ఉండేందుకు ఇది సహాయపడుతుంది. ఇకపోతే, వైర్‌లెస్ ఆపిల్ కార్‌ప్లే, ఆండ్రాయిడ్ ఆటో కనెక్టివిటీ ఇప్పుడు ప్రామాణికంగా అందించబడుతుంది.
ఇంకా, క్యాబిన్ గాలి నాణ్యతను మెరుగుపరిచేందుకు శక్తివంతమైన ఎయిర్ ప్యూరిఫైయింగ్ సిస్టమ్ ను కూడా అందిస్తున్నారు.
మిడ్-స్పెక్ ప్రీమియం వేరియంట్ లో ఇప్పుడు FSD డంపర్లు అందుబాటులోకి వచ్చాయి, ఇవి గతంలో కేవలం టాప్-ఎండ్ పెర్ఫార్మెన్స్ వేరియంట్ లో మాత్రమే లభించేవి.
వివరాలు
BYD అట్టో 3 (2025): నవీకరణలు
టాప్ వేరియంట్‌లో BYD తన DICSC డంపింగ్ సిస్టమ్ ను జోడించింది, ఇది రఫ్ రోడ్లపై సస్పెన్షన్‌ను సాఫ్ట్‌గా మార్చి, కార్నరింగ్, యాక్సిలరేషన్, బ్రేకింగ్ సమయంలో స్టెబిలిటీని మెరుగుపరచగలదు.
ఈ 2025 BYD సీల్ కారు ₹1,25,000 టోకెన్ చెల్లించి మార్చి 11 నుంచి ప్రీ-బుకింగ్ చేసుకోవచ్చు. అయితే, దీని అధికారిక ధర ఏప్రిల్ లో ప్రకటించనున్నారు.
BYD అట్టో 3 SUV మోడల్ కూడా మరింత ఆధునిక ఫీచర్లతో అప్డేట్ చేయబడింది. కొత్త మోడల్‌లో వెంటిలేటెడ్ ఫ్రంట్ సీట్లు అందించబడ్డాయి, ఇవి ఎక్కువ సేపు డ్రైవింగ్ చేసే వారికి మరింత సౌకర్యాన్ని అందిస్తాయి.
వివరాలు
BYD అట్టో 3 (2025): నవీకరణలు
ఇంతకుముందు మూడు-టోన్ల ఇంటీరియర్ అందుబాటులో ఉండగా, ఇప్పుడు ఫుల్-బ్లాక్ ఇంటీరియర్ ఆప్షన్‌ను అందిస్తున్నారు.
అదనంగా, పాత లెడ్ యాసిడ్ బ్యాటరీల స్థానంలో లిథియం ఐరన్ ఫాస్ఫేట్ బ్యాటరీ ను ఉపయోగిస్తున్నారు.
ఇది సాంప్రదాయ తక్కువ వోల్టేజ్ బ్యాటరీల కంటే ఆరు రెట్లు తేలికగా ఉండటంతో పాటు, 15 సంవత్సరాల వరకు దీర్ఘాయువు కలిగి ఉంటుంది.
నూతన మోడల్‌లో తొలి 3,000 యూనిట్లు ప్రస్తుతం ఉన్న ధరలకు విక్రయించనున్నారు.
BYD అట్టో 3 డైనమిక్ వేరియంట్ (49.92 kWh బ్యాటరీ) ₹24.99 లక్షలు,ప్రీమియం వేరియంట్ (60.48 kWh బ్యాటరీ) ₹29.85 లక్షలు,అలాగే సుపీరియర్ వేరియంట్ ₹33.99 లక్షలు(ఎక్స్-షోరూమ్) ధరగా నిర్ణయించబడింది.
ఈ కారును కొనుగోలు చేయదలచిన వారు ₹30,000 టోకెన్ చెల్లించి బుకింగ్ చేసుకోవచ్చు.