బీఎండబ్ల్యూ నుంచి మరో సూపర్ బైక్.. రేపే బీఎండబ్ల్యూ ఎఫ్ 900 జీఎస్ బైక్ విడుదల
ఈ వార్తాకథనం ఏంటి
ప్రీమియం కార్స్ ను ఉత్పత్తి చేసే కంపెనీ బీఎండబ్ల్యూ నుంచి సరికొత్త బైకు రానుంది. BMW F 900 GSను రేపు మార్కెట్లో విడుదల చేయడానికి ఆ ఆటో మొబైల్ దిగ్గజ సంస్థ సిద్ధమైంది. రెండు రోజుల క్రితం ఈ బైక్‌కు సంబంధించిన ADV టీజర్‌ను సంస్థ రిలీవ్ చేయగా, దానికి అదిరిపోయే రెస్పాన్స్ వచ్చింది. ఈ మోటర్ బైకు కొత్త ఇంజన్, ఛాసిస్‌ను కలిగి ఉంది. ఈ బైక్ F 850 GS, F 750 GSలను సమర్థవంతంగా భర్తీ చేయనుంది. ఈ ద్విచక్ర వాహనం అడ్వెంచర్ బైక్ సెగ్మెంట్‌లో గేమ్-ఛేంజర్‌గా మారడానికి సిద్ధంగా ఉంది. ప్రస్తుతం ఈ కొత్త బైక్ ఫీచర్ల గురించి తెలుసుకుందాం.
Details
బీఎండబ్ల్యూ ఎఫ్ 900 జీఎస్ ధరను ప్రకటించని సంస్థ
కొత్త F 900 GS అడ్వెంచర్ బైకులో F 850 GS డిజైన్‌ను కలిగి ఉంటుంది. ఇందులో ఆల్-LED లైటింగ్ సెటప్, వైర్-స్పోక్ వీల్స్‌ను కలిగి ఉంటుంది. కొన్ని అంతర్జాతీయ వెబ్‌సైట్‌లలో ఈ బైక్‌కు సంబంధించిన కొన్ని వివరాలు ఇప్పటికే లీక్ అయ్యాయి. ఇంజిన్, ఫీచర్లపై ఇంకా సంస్థ అధికారిక ప్రకటన ఇవ్వలేదు. అయితే రేపు ఈ బైకు విడుదల కానున్న నేపథ్యంలో మరిన్ని వివరాలు తెలిసే అవకాశం ఉంది. ఈ బైక్ కోసం ఇప్పటికే యువత ఆసక్తిగా ఎదురుచూస్తున్నారు.