Loading...
BYD Ti7 SUV: బివైడి టిఐ7 ఎస్‌యూవీపై యూరప్‌లో నిషేధం? ఇదే కారణమా?
బివైడి టిఐ7 ఎస్‌యూవీపై యూరప్‌లో నిషేధం? ఇదే కారణమా?

BYD Ti7 SUV: బివైడి టిఐ7 ఎస్‌యూవీపై యూరప్‌లో నిషేధం? ఇదే కారణమా?

వ్రాసిన వారు Balachander Sharma
Nov 22, 2026
01:24 pm

ఈ వార్తాకథనం ఏంటి

బివైడి టిఐ7 ఎస్‌యూవీకి యూరప్‌లో అనుకోని ఎదురుదెబ్బ తగిలింది. ల్యాండ్‌ రోవర్‌ డిఫెండర్‌ డిజైన్‌తో పోలిక ఉందన్న కేసులో నెదర్లాండ్స్‌లోని హేగ్‌ జిల్లా కోర్టు కీలక ఆదేశాలు జారీ చేసింది. యూరోపియన్‌ యూనియన్‌లో Ti7ను దిగుమతి చేసుకోవడం, తయారు చేయడం, విక్రయించడం, స్టాక్‌ చేయడం, డెలివరీ చేయడం లేదా వాణిజ్యపరంగా అందించడం నిలిపివేయాలని కోర్టు ప్రాథమిక నిషేధం విధించింది. అయితే ఇది తుది తీర్పు కాదు. మరోవైపు బ్రిటన్‌లో జరగనున్న ఈ SUV లాంచ్‌కు మాత్రం ప్రస్తుతానికి ఎలాంటి ప్రభావం లేదు. అక్కడ జనవరిలో కస్టమర్‌ డెలివరీలు కొనసాగనున్నాయి.

Details

డిఫెండర్‌ పోలికే అసలు సమస్య

కోర్టు పరిశీలనలో Ti7, డిఫెండర్‌ రెండింటినీ చూసినప్పుడు మొత్తంగా ఒకే విధమైన డిజైన్‌ భావన కలుగుతోందని తేల్చింది.

హెడ్‌లైట్లు, గ్రిల్‌, బంపర్‌, బానెట్‌, విండోస్‌, వీల్‌ ఆర్చ్‌లలో తేడాలు ఉన్నప్పటికీ అవి పెద్దగా ప్రభావం చూపలేదని పేర్కొంది.

ముఖ్యంగా బాక్సీ బాడీ, నిటారుగా ఉండే విండోస్‌, ఫ్లాట్‌ రూఫ్‌లైన్‌, వెనుక భాగంలో స్పేర్‌ వీల్‌ వంటి అంశాలు డిఫెండర్‌ను గుర్తు చేస్తున్నాయని కోర్టు అభిప్రాయపడింది.

రౌండెడ్‌ షోల్డర్లు, సి-పిల్లర్‌ డిజైన్‌, వీల్‌ ఆర్చ్‌ ఆకృతి కూడా ఈ పోలికలో కీలకంగా మారాయి.

Details

2018లో నమోదైన డిజైన్‌ ఆధారంగా కేసు

ఈ వివాదంలో మరో ఆసక్తికరమైన విషయం ఉంది. జాగ్వార్‌ ల్యాండ్‌ రోవర్‌ 2018లోనే యూరోపియన్‌ యూనియన్‌లో ఒక డిజైన్‌ను రిజిస్టర్‌ చేసింది.

ప్రస్తుత తరం డిఫెండర్‌ 2019లో ప్రజలకు పరిచయం కావడానికి ముందే ఈ రిజిస్ట్రేషన్‌ జరిగింది.

అంటే కొత్త డిఫెండర్‌ను నేరుగా కాపీ చేశారనే వాదన కంటే, ముందుగా నమోదైన డిజైన్‌ హక్కుల ఉల్లంఘన అంశంపైనే కేసు నడిచింది.

ఈ కారణంగానే Ti7 డిజైన్‌ మొత్తం రూపంపై కోర్టు ప్రత్యేకంగా దృష్టి పెట్టింది.

ADVERTISEMENT

Details

రోజుకు రూ.కోట్ల స్థాయిలో జరిమానా అవకాశం

కోర్టు ఆదేశాలను ఉల్లంఘిస్తే బివైడిపై భారీ ఆర్థిక భారం పడే అవకాశం ఉంది. నిబంధనలు పాటించని ప్రతి రోజు లేదా రోజులో కొంత భాగానికి 1 లక్ష యూరోలు జరిమానా విధించవచ్చు.

ప్రత్యామ్నాయంగా ప్రతి ఉల్లంఘనకు 25,000 యూరోల చొప్పున కూడా జరిమానా విధించే అవకాశం ఉంది. మొత్తం జరిమానా గరిష్ఠంగా 10 మిలియన్‌ యూరోల వరకు చేరవచ్చు.

ఈ నిషేధం తీర్పు వెలువడిన వారం తర్వాత అమల్లోకి వస్తుంది. అయితే ప్రస్తుత ఆదేశం ప్రాథమికమైనదే కావడంతో వివాదం ఇక్కడితో ముగిసినట్టు కాదు.

ADVERTISEMENT

Details

ఆరు నెలల్లో తదుపరి పోరాటం?

ఇప్పుడు అసలు ప్రశ్న ఈ నిషేధం ఎంతకాలం కొనసాగుతుందనేదే. జాగ్వార్‌ ల్యాండ్‌ రోవర్‌కు ప్రధాన కేసును ముందుకు తీసుకెళ్లేందుకు ఆరు నెలల సమయం ఉంది.

ఆ వ్యవధిలో తదుపరి న్యాయ చర్యలు ప్రారంభించకపోతే ప్రస్తుత నిషేధం ప్రభావం కోల్పోయే అవకాశం ఉంది. ఇదిలా ఉంటే కోర్టు జాగ్వార్‌ ల్యాండ్‌ రోవర్‌ కోరిన అన్ని అంశాలకు అనుమతి ఇవ్వలేదు.

బివైడి నుంచి స్వాధీనం చేసుకున్న పత్రాలకు యాక్సెస్‌, SUV పంపిణీకి సంబంధించిన వివరాలు, వెబ్‌సైట్‌లో తీర్పు ప్రకటన వంటి అభ్యర్థనలను కోర్టు తిరస్కరించింది. దీంతో Ti7 భవిష్యత్తుపై ఇప్పుడు తదుపరి న్యాయపోరాటమే కీలకంగా మారింది.

ADVERTISEMENT