ఇండియన్ మార్కెట్లోకి హోండా కొత్త ఎస్యూవీ.. ఎలివేట్ మోడల్ ధర ఎంతో తెలుసా
భారతదేశంలో హోండా ఎలివేట్ కొత్తగా లాంచ్ అయ్యింది. ఇండియన్ ఆటోమొబైల్ మార్కెట్లో హోండా ఎలివేట్ ఎస్యూవీ(SUV)ని కంపెనీ లాంచ్ చేసింది. ఈ మేరకు కారు డెలివరీలు ప్రారంభమైయ్యాయని వెల్లడించింది. మోడల్ ఫీచర్స్, ధర వంటి వివరాలను తెలుసుకుందాం. కొత్త ఎస్యూవీ ఫీచర్స్ తెలుసుకోండి : హోండ్ ఎలివేట్ ఎస్యూవీ డిజైన్ ఆకర్షణీయంగా తీర్చిదిద్దారు. స్వెప్ట్బ్యాక్ ఎల్ఈడీ హెడ్ల్యాంప్స్, భారీ గ్రిల్, ఫాగ్ లైట్స్ కోసం ట్రైయాంగ్యులర్ హోజింగ్, 16 ఇంచ్ డ్యూయెల్ టోన్ అలాయ్ వీల్స్ను పొందుపర్చారు. రూఫ్ రెయిల్స్, 10.25 ఇంచ్ టచ్స్క్రీన్ ఇన్ఫోటైన్మెంట్ సిస్టెమ్, వయర్లెస్ ఛార్జర్, క్రూజ్ కంట్రోల్, ఆటోమెటిక్ క్లైమేట్ కంట్రోల్, 6 ఎయిర్బ్యాగ్స్ వంటివి ఉన్నాయి.
హోండాకు SUV మోడల్ లో వచ్చిన తొలి సెగ్మెంట్ కారు హోండా ఎలివేట్
హోండా ఎలివేట్లో 1.5 లీటర్ ఐ-వీటెక్ పెట్రోల్ ఇంజిన్ 119 హెచ్పీ పవర్ను, 145 ఎన్ఎం టార్క్ను ఉత్పత్తి చేస్తుంది. 6 స్పీడ్ మేన్యువల్, సీవీటీ గేర్బైక్స్ దీని సొంతం. మేన్యువల్ మైలేజ్ 15.3గా, సీవీటీ వేరియంట్ మైలేజ్ 16.92 KMPLగా సంస్థ ప్రకటించింది. ఇవే ధరలు : ఎస్వీ ఎంటీ రూ.10.99 లక్షలు వీఎక్స్ ఎంటీ రూ. 13,49,000 జెడ్ఎక్స్ రూ.14,89,900 వీఎక్స్ సీవీటీ రూ.14,59,900 జెడ్ఎక్స్- రూ.15,99,900 హోండాకు SUV మోడల్ లో వచ్చిన తొలి సెగ్మెంట్ ఇదే కావడంతో ఎలివేట్ ఎస్యూవీ డెలివరీలను మొదలుపెట్టింది. హోండా ఎలివేట్ ఎస్యూవీ మారుతీ సుజుకీ గ్రాండ్ విటారా, హ్యుందాయ్ క్రేటా మోడల్స్కు గట్టి పోటీనివ్వనున్నట్లు అంచనా.
