Honda Rebel 300 e-Clutch: హోండా రెబల్‌...క్లచ్‌ అవసరం లేకుండానే గేర్ మార్చుకోవచ్చు
ఈ వార్తాకథనం ఏంటి
హోండా రెబల్‌ 300 ఇప్పుడు భారత మార్కెట్లో మరింత ఆసక్తికరంగా మారింది. ముఖ్యంగా క్లచ్‌ లివర్‌ను ఉపయోగించకుండానే గేర్లు మార్చుకునే e-Clutch టెక్నాలజీ ఈ బైక్‌లో ప్రధాన ఆకర్షణగా నిలుస్తోంది. Honda తాజాగా తన అధికారిక వెబ్‌సైట్‌లో Rebel 300 ఇండియా స్పెసిఫికేషన్లను వెల్లడించింది. ఈ బైక్‌ను ఆగస్టులోనే దేశీయ మార్కెట్లో విడుదల చేయగా, స్టాండర్డ్ వేరియంట్ ధర రూ.2.22 లక్షలు, e-Clutch వేరియంట్ ధర రూ.2.62 లక్షలుగా ఉంది. కొత్త రైడర్లకు గేర్ మార్చడం సులభంగా ఉండేలా ఈ టెక్నాలజీ ఉపయోగపడుతుంది.
Details
286cc ఇంజిన్.. 27.6 PS పవర్
Rebel 300లో 286.01cc సింగిల్‌ సిలిండర్, లిక్విడ్‌ కూల్డ్‌, ఫ్యూయల్‌ ఇంజెక్టెడ్‌ ఇంజిన్ ఉంటుంది.
ఇది 8,000 rpm వద్ద 27.6 PS పవర్, 6,250 rpm వద్ద 24.5 Nm టార్క్‌ను ఉత్పత్తి చేస్తుంది. 6-స్పీడ్ గేర్‌బాక్స్‌తో ఈ ఇంజిన్ పనిచేస్తుంది.
స్టాండర్డ్ మోడల్‌లో అసిస్ట్‌, స్లిప్పర్‌ క్లచ్‌ ఉండగా, e-Clutch వేరియంట్‌లో హోండా ప్రత్యేక e-Clutch సిస్టమ్‌ను అందించింది.
ఇందులో క్లచ్‌ లివర్‌ పట్టుకోకుండానే బైక్‌ను స్టార్ట్ చేయడం, ఆపడం, గేర్లు మార్చడం చేయవచ్చు. అయితే గేర్ ఎంపిక మాత్రం ఫుట్‌ షిఫ్టర్‌తోనే చేయాలి. అవసరమైతే క్లచ్‌ లివర్‌ను సంప్రదాయ పద్ధతిలోనూ ఉపయోగించుకోవచ్చు.
Details
బరువులో స్వల్ప తేడా
రెండు వేరియంట్ల మధ్య బరువులో పెద్ద తేడా లేదు. స్టాండర్డ్ Rebel 300 బరువు 173 కిలోలు కాగా, e-Clutch వేరియంట్ 176 కిలోల బరువు ఉంటుంది.
రెండు మోడళ్లలోనూ 11.2 లీటర్ల ఫ్యూయల్‌ ట్యాంక్‌ ఇచ్చారు. బైక్‌ పొడవు 2,200 mm, వెడల్పు 808 mm, ఎత్తు 1,125 mmగా ఉంది. వీల్‌బేస్‌ 1,506 mm కాగా, సీట్‌ హైట్‌ 690 mm. గ్రౌండ్‌ క్లియరెన్స్‌ 129 mmగా ఉంది.
Details
ఫీచర్లలోనూ ప్రీమియం టచ్
Rebel 300లో ముందు టెలిస్కోపిక్‌ ఫోర్కులు, వెనుక ట్విన్‌ షాక్‌ అబ్జార్బర్లు ఉన్నాయి. 16 ఇంచుల వీల్స్‌తో పాటు డ్యూయల్‌ ఛానల్‌ ABS అందించారు.
LED హెడ్‌ల్యాంప్స్‌, టెయిల్‌ ల్యాంప్స్‌, TFT ఇన్‌స్ట్రుమెంట్‌ డిస్‌ప్లే, బ్లూటూత్‌ కనెక్టివిటీ, టర్న్‌-బై-టర్న్‌ నావిగేషన్‌, Type-C ఛార్జింగ్‌ పోర్ట్‌ వంటి ఫీచర్లు ఉన్నాయి. ఇప్పటికే కొన్ని Honda BigWing డీలర్‌షిప్‌లకు బైక్‌లు చేరుతున్నాయి.
దీంతో డెలివరీలు త్వరలోనే ప్రారంభమయ్యే అవకాశం ఉంది. అయితే దేశవ్యాప్తంగా డెలివరీ తేదీని హోండా ఇంకా ప్రకటించలేదు.
మొత్తంగా చూస్తే, Honda Rebel 300 e-Clutch సాధారణ క్రూయిజర్‌ బైక్‌ కంటే సులభమైన రైడింగ్‌ అనుభవాన్ని కోరుకునే వారికి ఆప్షన్‌గా కనిపిస్తోంది.