Hyundai alcazar: స్టైలిస్ లుక్‌తో హ్యుందాయ్ అల్కరాజ్.. బుకింగ్స్ ప్రారంభం
హ్యుందాయ్ కంపెనీ కార్లకు ఇండియాలో మంచి డిమాండ్ ఉంది. వినియోగదారులు అవసరాలకు అనుగుణంగా లేటెస్ట్ ఫీచర్లను ప్రవేశపెడుతూ ఈ కంపెనీ దూసుకుపోతోంది. హ్యుందాయ్ నుంచి విడుదలయ్యే నూతన కార్లు ఎప్పుడెప్పుడు వస్తాయా అని వినియోగదారులు ఎదురుచూస్తున్నారు. ఈ క్రమంలో హ్యుందాయ్ శుభవార్త చెప్పింది. కొత్త హ్యుందాయ్ అల్కారాజ్ బుకింగ్స్ ప్రారంభిస్తున్నట్లు ప్రకటించింది. ఆసక్తి గల వినియోగదారులు రూ.25వేలు చెల్లించి కార్ బుక్ చేసుకోవచ్చని పేర్కొంది.
70కి పైగా సేఫ్టీ ఫీచర్లు
కంఫర్ట్, లగ్జరీ, అడ్వాన్స్డ్ టెక్నాలజీ, సేఫ్టీ ఫీచర్లతో ఈ కారు వస్తోంది. ఎగ్జిక్యూటివ్, ప్రెస్టీజ్, ప్లాటినం, సిగ్నేచర్ వేరియంట్లలో హ్యుండాయ్ అల్కాజర్ ఫేస్ లిఫ్ట్ రావడం విశేషం. ఫ్రంట్‌లో న్యూ బంపర్, హుడ్ డిజైన్, స్కిడ్ ప్లేట్, డార్క్ క్రోమ్ గ్రిల్లె వంటి ఫీచర్లు ఉండనున్నాయి. ఆల్ న్యూ సిగ్నేచర్ కనెక్టెడ్ ఎల్ఈడీ టెయిల్ ల్యాంప్స్, న్యూ టెయిల్ గేట్, న్యూ స్పాయిలర్ డిజైన్ విత్ ఇంటిగ్రేటెడ్ స్టాప్ ల్యాంప్ వంటి అధునాతన ఫీచర్లతో వస్తోంది. 40 స్టాండర్డ్ సేఫ్టీ ఫీచర్లు, అడాస్‌తోపాటు మొత్తం 70కి పైగా సేఫ్టీ ఫీచర్లను కలిగి ఉంది.
