2024లో భారత మార్కెట్‌లోకి రానున్న MINI 'కూపర్ ఈవీ' కారు
ఈ వార్తాకథనం ఏంటి
బీఎండబ్ల్యూ యాజమాన్యంలో నడుస్తున్న ప్రఖ్యాత బ్రిటీష్ ఆటోమోటివ్ కంపెనీ మినీ(MINI) నూతన వెర్షెన్ '2024 కూపర్ ఈవీ(Cooper EV) కారును భారత మార్కెట్‌లోకి ప్రవేశపెట్టేందుకు సిద్ధమవుతోంది. ఈ మోడల్‌ను కంపెనీ ఇప్పటికే గ్లోబల్ మార్కెట్‌కు పరిచయం చేసింది. ఈ క్రమంలో వచ్చే ఏడాది క్యూ1లో కూపర్ ఈవీలోని రెండు వేరియంట్లను కంపెనీ భారత మార్కెట్‌లోకి పెట్టబోతోంది. మినీ కంపెనీ ఈ ఎలక్ట్రిక్ వెహికల్‌ను 'E', 'SE' అనే రెండు వేరియంట్లలో తీసుకొస్తోంది. కూపర్ ఈవీ మోడల్ వాహనం సుపరిచితమైన హ్యాచ్‌బ్యాక్ ఆకారాన్ని కలిగి ఉన్నప్పటికీ.. దీని డిజైన్ చాలా కొత్తగా ఉంటుంది.
కారు
స్టైలిష్ డ్యూయల్-టోన్ వీల్స్‌, ఓవల్ ఎల్ఈడీ హెడ్‌లైట్‌లు
మినీ కూపర్ ఈవీ 2024 వాహనం ఓవల్ ఎల్ఈడీ హెడ్‌లైట్‌లు, చెక్కిన బానెట్, స్టైలిష్ డ్యూయల్-టోన్ వీల్స్‌తో వస్తుంది. లోపల క్యాబిన్ ప్రీమియం ఫాబ్రిక్‌తో చేసిన స్పోర్టీ, సింపుల్ డాష్‌బోర్డ్‌ను ఈ వాహనంలో ఉన్నాయి. కారులో లెథెరెట్‌తో కూడిన బకెట్ సీట్లు, ప్యాడిల్ షిఫ్టర్‌లతో కూడిన మల్టీఫంక్షనల్ స్టీరింగ్ వీల్, సాంప్రదాయ గేజ్‌లకు బదులుగా హెడ్-అప్ డిస్‌ప్లే ఉన్నాయి. దీనికి ఇన్ఫోటైన్‌మెంట్ ప్యానెల్ చాలా ప్రత్యేకమైనదని చెప్పాలి. E మోడల్ వేరియంట్ 40.7kWh బ్యాటరీతో 181hpని కలిగి ఉంది. SE మోడల్ 214hp, 54.2kWh బ్యాటరీ సామర్థ్యంతో ఉంటుంది.