భారత మార్కెట్లోకి 'ఈప్లూటో 7జీ ప్రో'.. ధర తక్కువ, రేంజ్ ఎక్కువ!
ఈ వార్తాకథనం ఏంటి
ఎలక్ట్రిక్ టూ వీలర్ స్టార్టప్ సంస్థ వ్యూర్ ఈవీ భారత్ మార్కెట్లోకి ఈప్లూటో 7జీ ప్రో భారత మార్కెట్లోకి తీసుకొచ్చింది. ఓలా ఎలక్ట్రిక్ కన్నా ఇది చౌకగా లభించనుంది.
సరికొత్త ఫీచర్లు, అధునాతన టెక్నాలజీతో ఈ స్కూటర్ రాబోతోంది. మాట్ బ్లాక్, గ్రే వైట్ రంగుల్లో ఈ బైక్ అందుబాటులో ఉండనుంది.ఈ ఎలక్ట్రిక్ స్కూటర్ ఎక్స్ షోరూం ధర రూ.94,999 గా ఉండనుంది.
ప్యూర్ ఈవీ డీలర్ షిప్ షోరూంలో ఈ స్కూటర్ ను బుక్ చేసుకుంటే ఈ నెల చివర్లో డెలివరీ చేస్తామని సంస్థ వెల్లడించింది. ఈకోడ్రిప్ట్ మోటర్ సైకిల్ ప్లాట్ ఫార్మ్ పై ఈ స్కూటర్ ను ప్రత్యేకంగా రూపొందించారు.
ఇందులో 3.0 కేడబ్ల్యూహెచ్ ఏఐఎస్ సర్టిఫైడ్ బ్యాటరీ లభించనుంది.
Details
ఒక్కసారి ఛార్జీ చేస్తే 100-150 కిలోమీటర్లు
ముఖ్యంగా స్మార్ట్ బీఎంఎస్, బ్లూటూత్ కనెక్టివీటి సైతం రానుంది. 1.5కేడబ్య్లూ ఎలక్ట్రిక్ మోటార్ ఇందులో ఉండనుంది. దీన్ని ఒక్కసారి ఛార్జ్ చేస్తే 100-150 కిలోమీటర్లు ప్రయాణించనుది.
ఈవీలో ఉన్న మూడు మోడ్స్ బట్టి దీని రేంజ్ మారే అవకాశం ఉంటుంది. తమ బెస్ట్ సెల్లింగ్ 7జీ మోడల్ కు ఇది అప్ గ్రేడెడ్ వర్షెన్ అని, ప్రీలాంచ్ కు ముందే ఈ ఈవిపై 5వేల మంది ఆసక్తి చూపించడం సంతోషంగా ఉందని ప్యూర్ ఈవీ కో-ఫౌండర్, సీఈఓ రోహిత్ వదేరా పేర్కొన్నారు.
అదే విధంగా ఒకినావా, అంపేరే, హీరో ఎలక్ట్రిక్ కు ఈ ఈప్లూటో 7జీ ప్రో గట్టి పోటీ ఇచ్చే అవకాశాలున్నాయి.