KTM 390 Adventure R: స్టాండర్డ్ మోడల్ కంటే తక్కువ ధరకే KTM 390 అడ్వెంచర్ R లాంచ్
ఈ వార్తాకథనం ఏంటి
కేటీఎం ఇండియా తాజాగా తన కొత్త అడ్వెంచర్ మోటార్సైకిల్ KTM 390 అడ్వెంచర్ R ను భారత మార్కెట్లో విడుదల చేసింది. ఈ బైక్కు ఢిల్లీ ఎక్స్-షోరూమ్ ధర రూ. 3.78 లక్షలుగా నిర్ణయించారు. ఆసక్తికరమైన విషయం ఏమిటంటే, ఇది ప్రస్తుతం విక్రయాల్లో ఉన్న స్టాండర్డ్ KTM 390 అడ్వెంచర్ (రూ. 3.97 లక్షలు) కంటే తక్కువ ధరలో లభిస్తోంది. కొత్త 390 అడ్వెంచర్ R మోడల్ను పూర్తిగా హార్డ్కోర్ ఆఫ్-రోడింగ్ అవసరాల కోసం డిజైన్ చేశారు. కస్టమర్లు కేవలం రూ. 1,999 చెల్లించి ఈ బైక్ను బుక్ చేసుకోవచ్చు. బుకింగ్ ప్రక్రియ ఇప్పటికే KTM ఇండియా అధికారిక వెబ్సైట్లో ప్రారంభమైంది.
వివరాలు
KTM 390 అడ్వెంచర్ R - ఆఫ్-రోడ్ సస్పెన్షన్ ప్రత్యేకతలు
ఈ బైక్లో ఆఫ్-రోడింగ్కు అనువైన మెరుగైన సస్పెన్షన్ సెటప్ అందించారు. ముందు, వెనుక రెండింటికీ 230mm సస్పెన్షన్ ట్రావెల్ ఉంది. ఇది స్టాండర్డ్ మోడల్తో పోలిస్తే మరింత ఆఫ్-రోడ్కు సరిపడేలా రూపొందించారు. ఎగుమతి మార్కెట్లో విక్రయించే 390 ఎండ్యూరో R లో ఉన్న అదే సస్పెన్షన్ సెటప్ను ఈ బైక్లో ఉపయోగించారు.
వివరాలు
ఆఫ్-రోడ్ వీల్స్, టైర్లు
KTM 390 అడ్వెంచర్ R లో 21 అంగుళాల ముందు, 18 అంగుళాల వెనుక స్పోక్ వీల్స్ అందించారు. ఇవి ట్యూబ్డ్ మిటాస్ ఎండ్యూరో ట్రైల్ టైర్లతో వస్తాయి, ఇవి కఠినమైన ఆఫ్-రోడ్ పరిస్థితుల్లో మెరుగైన గ్రిప్ను ఇస్తాయి. ఇక స్టాండర్డ్ 390 అడ్వెంచర్ మోడల్లో మాత్రం 21/17 అంగుళాల ట్యూబ్లెస్ అపోలో ట్రాంప్లర్ టైర్లు ఉంటాయి. సీట్ ఎత్తు, గ్రౌండ్ క్లియరెన్స్ ఈ అడ్వెంచర్ బైక్కు 870mm సీట్ ఎత్తు, 272mm గ్రౌండ్ క్లియరెన్స్ ఉంది. ఈ కొలతలు రాళ్లు, మట్టి రోడ్లు, కఠినమైన భూభాగాల్లో సులభంగా ప్రయాణించేలా సహాయపడతాయి.
వివరాలు
ఇంజిన్ & పనితీరు
KTM 390 అడ్వెంచర్ R లో స్టాండర్డ్ మోడల్లో ఉన్న అదే 399cc సింగిల్-సిలిండర్, లిక్విడ్-కూల్డ్ ఇంజిన్ను అందించారు. ఈ ఇంజిన్ నుంచి 45hp పవర్ 39Nm టార్క్ ఉత్పత్తి అవుతుంది. ఇది 6-స్పీడ్ గేర్బాక్స్, ద్వి-దిశాత్మక క్విక్షిఫ్టర్ తో వస్తుంది. థ్రాటిల్ స్పందన చాలా మృదువుగా, శక్తివంతంగా ఉంటుంది.
వివరాలు
ఫీచర్లు, సాంకేతికత
ఈ బైక్లో ఆధునిక ఫీచర్లకు లోటు లేదు. TFT డిజిటల్ ఇన్స్ట్రుమెంట్ క్లస్టర్ వివిధ రైడింగ్ మోడ్లు ట్రాక్షన్ కంట్రోల్ కార్నరింగ్ ABS అధునాతన ఎలక్ట్రానిక్ సిస్టమ్స్ అలాగే, ఇది KTMకి గుర్తింపు అయిన ఆరెంజ్-వైట్ కలర్ స్కీమ్లో (సింగిల్ కలర్ ఆప్షన్) మాత్రమే లభిస్తుంది.
వివరాలు
బరువు & ఇంధన ట్యాంక్
ఈ బైక్లో 14 లీటర్ల ఇంధన ట్యాంక్ ఉంది. యూకే స్పెసిఫికేషన్ ప్రకారం దీని కెర్బ్ వెయిట్ సుమారు 176 కిలోలుగా ఉంటుంది. ధరల వివరాలు KTM 390 అడ్వెంచర్ R - రూ. 3.78 లక్షలు (ఎక్స్-షోరూమ్) KTM 390 అడ్వెంచర్ స్టాండర్డ్ - రూ. 3.97 లక్షలు (ఎక్స్-షోరూమ్)