Mahindra: EV బ్యాటరీల స్థానిక ఉత్పత్తి పరిశీలినలో కంపెనీ CEO
ఈ వార్తాకథనం ఏంటి
మహీంద్రా & మహీంద్రా ఎలక్ట్రిక్ వెహికల్ (EV) బ్యాటరీల స్థానిక ఉత్పత్తిని పరిశీలిస్తున్నట్లు కంపెనీ CEO, అనిష్ షా వెల్లడించారు.
భారత ఎలక్ట్రిక్ కార్ల మార్కెట్‌లో తిరిగి తన పట్టును పొందేందుకు విస్తృత వ్యూహంలో భాగంగా ఈ ప్రతిపాదనలు చేస్తోంది.
కంపెనీ మరింత నిశితంగా పరిశీలిస్తూనే ఉన్న ఒక ప్రాంతం సెల్ తయారీ . ఇది మాకు చాలా అవసరం అని తాము భావిస్తే, సెల్ తయారీకి భాగస్వామ్యాన్ని పరిశీలిస్తామని ఆయన చెప్పారు.
భాగస్వామ్య శోధన
గ్లోబల్ టెక్నాలజీ,ఈక్విటీ భాగస్వాముల కోసం మహీంద్రా శోధన
భారత్‌లో స్థానికంగా సెల్ తయారీని ప్రారంభించేందుకు తాము ప్రయత్నిస్తున్నామని పేర్కొన్నారు.
ఇందుకోసం గ్లోబల్ టెక్నాలజీ , ప్రతిపాదిత ప్రైవేట్ ఈక్విటీ భాగస్వాములు ముందుకు రావాలని కంపెనీ ఆశిస్తుందన్నారు.
"తాము గ్లోబల్ టెక్నాలజీ భాగస్వామ్యాన్ని స్వాగతిస్తామన్నారు. దాంతో పాటు ప్రైవేట్ ఈక్విటీ భాగస్వాములను కూడా పరిగణనలోకి తీసుకుంటామని అనీష్ షా వివరించారు. అంతే తప్ప తమ మొత్తం మూలధనాన్నిఈ రంగంలో ఉంచబోమని ఆయన తేల్చి చెప్పారు.
వ్యూహం
EV విభాగంలో మార్కెట్ వాటాను మళ్లీ పొందేందుకు మహీంద్రా వ్యూహం
భారతీయ ఎలక్ట్రిక్ కార్ల మార్కెట్లోకి ప్రారంభమైన నాటినుంచి, టాటా మోటార్స్‌కు మహీంద్రా తన అగ్రస్థానాన్ని కోల్పోయింది.
కంపెనీ ప్రస్తుతం టాటా మోటార్స్ ఆధిపత్యంలో ఉన్న విభాగంలో XUV400 అనే ఒక మోడల్‌ను మాత్రమే అందిస్తోంది.
అయినప్పటికీ, మహీంద్రా కొత్త ఉత్పత్తుల శ్రేణిని ప్రారంభించాలని యోచిస్తోంది .
దాని రాబోయే ఎలక్ట్రిక్ కార్ల కోసం ఒక సమగ్ర పర్యావరణ వ్యవస్థను రూపొందించాలని లక్ష్యంగా పెట్టుకుంది. ఇందులో స్థానికంగా ఉత్పత్తి చేసిన EV బ్యాటరీలు ఉంటాయి.
భవిష్యత్తు ప్రణాళికలు
మహీంద్రా ఎలక్ట్రిక్ ప్రతిపాదిత పెట్టుబడి ప్రణాళికలు
2030 నాటికి దాని ఎలక్ట్రిక్ వెహికల్ ఆర్మ్ మహీంద్రా ఎలక్ట్రిక్ లిస్టింగ్‌కు సంబంధించిన ప్రణాళికలను కూడా CEO వెల్లడించారు.
భారతదేశంలో ఎలక్ట్రిక్ వాహనాల బ్యాటరీ ప్యాక్‌లను దేశీయంగా ఉత్పత్తి చేసే వారి వ్యూహంలో ఈ చర్య కీలక భాగంగా పరిగణించనుంది.
అయితే, ఎలక్ట్రిక్ వాహనాల సెగ్మెంట్ టేకాఫ్ కావడానికి సమయం కావాలి. కాబట్టి వచ్చే మూడు నుంచి ఐదేళ్లలో ఈ సాధ్యం కాదని షా స్పష్టం చేశారు.
2030 నాటికి తొమ్మిది ICE SUVలు, ఏడు EVలు ఏడు తేలికపాటి వాణిజ్య వాహనాలను ప్రవేశపెట్టాలని కంపెనీ యోచిస్తోంది.