Loading...
Maruti Suzuki Price Hike 2026: మారుతీ సుజుకీ కార్ల ధరలు మరోసారి పెంపు.. ఏడాదిలో నాలుగోసారి సవరణ
మారుతీ సుజుకీ కార్ల ధరలు మరోసారి పెంపు.. ఏడాదిలో నాలుగోసారి సవరణ

Maruti Suzuki Price Hike 2026: మారుతీ సుజుకీ కార్ల ధరలు మరోసారి పెంపు.. ఏడాదిలో నాలుగోసారి సవరణ

వ్రాసిన వారు Jayachandra Akuri
Nov 22, 2026
01:07 pm

ఈ వార్తాకథనం ఏంటి

ముడి సరుకుల ధరలు పెరుగుతుండటంతో కొన్ని ఎంపిక చేసిన మోడళ్ల ధరలను సవరించాలని నిర్ణయించినట్లు మారుతీ సుజుకీ వెల్లడించింది . సగటు ధరల పెరుగుదల 0.31 శాతం వరకు ఉండొచ్చని తెలిపింది. కార్ల ధరలను తగ్గించేందుకు సంస్థ ప్రయత్నించినప్పటికీ, వ్యయాల ఒత్తిడి కారణంగా కొంత భారాన్ని వినియోగదారులకు బదిలీ చేయాల్సి వస్తోందని వివరించింది. అయితే, కొనుగోలుదారులపై ఈ భారం వీలైనంత తక్కువగా ఉండేలా జాగ్రత్తలు తీసుకున్నట్లు పేర్కొంది.

వివరాలు

2026లో ఇప్పటికే మూడుసార్లు పెరిగిన ధరలు

మారుతీ సుజుకీ 2026లో ఇప్పటికే పలు దఫాలుగా కార్ల ధరలను పెంచింది. సెప్టెంబర్‌లో కొన్ని మోడళ్లపై రూ.20 వేల వరకు ధరలు పెంచుతున్నట్లు ప్రకటించింది.

అంతకుముందు ఆగస్టులో అరీనా, నెక్సా విభాగాల్లోని కొన్ని మోడళ్లపై రూ.30 వేల వరకు పెంపు చేపట్టింది.

జూన్‌లోనూ ఒకసారి రూ.30 వేల వరకు ధరలను పెంచింది. తాజాగా మరోసారి 0.31 శాతం వరకు ధరలు పెంచడంతో ఏడాదిలో నాలుగోసారి ధరల సవరణ చేసినట్లయింది.

రెండో త్రైమాసికంలో తగ్గిన నికర లాభం

మరోవైపు మారుతీ సుజుకీ సంస్థకు ప్రస్తుత ఆర్థిక సంవత్సరం రెండో త్రైమాసికంలో నికర లాభాలు 26.9 శాతం తగ్గాయి.

అయితే ఇదే సమయంలో కంపెనీ రెవెన్యూ 26 శాతం వృద్ధి చెంది రూ.53,340 కోట్లకు చేరింది.

ADVERTISEMENT