మారుతీ సుజుకీ, కియా మోటర్స్ కార్ సేల్స్ అదుర్స్
ఈ వార్తాకథనం ఏంటి
మారుతీ సుజుకీ, కియా మోటర్స్ కారు సేల్స్ కు విపరీతమైన డిమాండ్ ఏర్పడింది. తాజాగా ఎఫ్‌వై 24 ఏప్రిల్ నెలకు సంబంధించి కార్ సేల్స్ డేటాను వెల్లడించింది.
దేశీయ దిగ్గజ ఆటోమొబైల్ సంస్థ మారుతీ సుజుకీ ఏప్రిల్ మొత్తం 1,60,529 యూనిట్లను విక్రయించడం విశేషం.
2022 ఏప్రిల్ ఈ నంబర్ 1,50,661గా ఉండేది. ప్రస్తుతం ఈ 1,60,529 యూనిట్లలో 1,39,519 కార్లను దేశీయం విక్రయించగా.. 4,039 ఓవీఎంలు, 16,971 ఎగుమతులు ఉన్నట్లు స్పష్టం చేసింది. ఈ మేరకు ఎక్స్‌ఛేంజ్ ఫైలింగ్‌లో మారుతీ సుజుకీ ఈ విషయాన్ని ప్రకటించింది.
సెమీకండక్టర్ చిప్స్ కొరత గత నెల కూడా మారుతీ సుజుకీని బాధించింది. దీంతో అనుకున్న స్థాయిలో ఉత్పత్తి జరగలేదు.
Details
మారుతీ సుజుకీ చిన్న కార్లకు తగ్గిన డిమాండ్
మారుతీ సుజుకీ సేల్స్ లో చిన్నకార్ల హవా మరింత క్షీణించింది. ఆల్టో కే10, ఎస్-ప్రెస్సో వంటి కార్లు.. 2022 ఏప్రిల్లో 17,137 యూనిట్లు అమ్ముడుపోగా.. ఈసారి కేవలం 14,110 మాత్రమే సేల్ కావడం గమనార్హం.
అయితే యుటిలిటీ వెహికిల్స్ అంచనాలకు మించి రాణిస్తుండటం సంస్థకు లాభాలను తీసుకొచ్చింది. మిని- కాంపాక్ట్ సెగ్మెంట్లో ఈసారి 90,062 వెహికిల్స్ అమ్ముడుపోయాయి. గతేడాది 76,900 మాత్రమే అమ్ముడుపోయాయి.
మారుతీ సుజుకీ మార్కెట్లోకి కొత్త ఫ్రాంక్స్ ను లాంచ్ చేయడంతో ఆ వెహికల్ కి ఇప్పటికే మంచి ఆర్డర్స్ వచ్చాయి. అదే విధంగా బ్రెజా నుంచి ఎర్టిగా, ఎక్స్ ఎల్ 6 వరకు వాహనాలను సంస్థ అప్డేడ్ చేసింది.