CNG cars: సూపర్ మైలేజీ, ప్రీమియం ఫీచర్లు.. బెస్ట్ టాప్-వేరియంట్ CNG కార్లు ఇవే!
ఈ వార్తాకథనం ఏంటి
మారుతున్న కాలానికి అనుగుణంగా ఆటోమొబైల్ పరిశ్రమలో విప్లవాత్మక మార్పులు చోటుచేసుకుంటున్నాయి.
వాహన తయారీ కంపెనీలు అత్యాధునిక సాంకేతికతను అందిపుచ్చుకుని వాహనాలను రూపొందించి మార్కెట్లో ప్రవేశపెడుతున్నాయి.
పెట్రోల్, డీజిల్, ఎలక్ట్రిక్, CNG వాహనాల విభాగంలో విశేష పురోగతి కనిపిస్తోంది. గతంలో CNG ఆప్షన్ కార్ల బేస్-వేరియంట్లకు పరిమితమై ఉండగా, ఇప్పుడు టాప్ వేరియంట్లలో కూడా లభ్యమవుతోంది.
ప్రీమియం ఫీచర్లతో, అధిక మైలేజీతో CNG కార్లను కోరుకునే వారికి ఈ టాప్ వేరియంట్ CNG కార్లపై ఓ లుక్కేయండి.
Details
మారుతి డిజైర్
మారుతి డిజైర్ ఇప్పుడు ZXI, VXI వేరియంట్లలో CNG ఆప్షన్‌తో లభిస్తోంది.
7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఫోన్ ఛార్జర్, 6-స్పీకర్ సౌండ్ సిస్టమ్, ఆటో AC వంటి ఫీచర్లు ఇందులో ఉన్నాయి.
భద్రత పరంగా 6 ఎయిర్‌బ్యాగులు, హిల్ హోల్డ్ అసిస్ట్, EBDతో ABS, రివర్స్ పార్కింగ్ సెన్సార్లు ఇందులో ఉన్నాయి.
1.2-లీటర్ ఇంజన్ CNG మోడ్‌లో 69.75 PS శక్తిని, 101.8 Nm టార్క్‌ను ఉత్పత్తి చేస్తుంది. మైలేజీ 33.73 కి.మీ/కి.గ్రా గా ఉంది. ధర రూ. 9.89 లక్షలు (ఎక్స్-షోరూమ్).
Details
మారుతి స్విఫ్ట్
కొత్త మోడల్ మారుతి స్విఫ్ట్ ఇప్పుడు ZXI వేరియంట్‌లో CNG ఆప్షన్‌తో అందుబాటులో ఉంది. టాప్ వేరియంట్‌లో అందే అన్ని ఫీచర్లు ఇందులో సమకూర్చారు.
7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, 6-స్పీకర్ సౌండ్ సిస్టమ్, వైర్‌లెస్ ఫోన్ ఛార్జర్, ఆటోమేటిక్ క్లైమేట్ కంట్రోల్ వంటి ఫీచర్లతో ఇది అందుబాటులో ఉంది.
భద్రత కోసం 6 ఎయిర్‌బ్యాగ్‌లు, EBDతో కూడిన ABS, వెనుక పార్కింగ్ సెన్సార్లు, ఎలక్ట్రానిక్ స్టెబిలిటీ కంట్రోల్ వంటి ఫీచర్లు కలిగి ఉంది. 1.2-లీటర్ ఇంజన్ CNG మోడ్‌లో 69.75 PS శక్తిని, 101.8 Nm టార్క్‌ను ఉత్పత్తి చేస్తుంది.
ఇది 5-స్పీడ్ మాన్యువల్ ట్రాన్స్‌మిషన్‌తో వస్తుంది. ధర రూ. 9.20 లక్షలు (ఎక్స్-షోరూమ్).
Details
టాటా పంచ్
టాటా పంచ్ CNG ఆప్షన్ 1.2-లీటర్ ఇంజన్‌తో అందించనున్నారు. ఇది 73.5 PS శక్తిని, 103 Nm టార్క్‌ను ఉత్పత్తి చేస్తుంది.
10.25-అంగుళాల టచ్‌స్క్రీన్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, క్రూయిజ్ కంట్రోల్, రివర్స్ పార్కింగ్ కెమెరా వంటి ఫీచర్లు ఉన్నాయి.
భద్రతా పరంగా 2 ఎయిర్‌బ్యాగులు, ఎలక్ట్రానిక్ స్టెబిలిటీ కంట్రోల్ వంటి ఫీచర్లు ఇందులో ఉన్నాయి. 26.99 కి.మీ/కి.గ్రా మైలేజీ ఇస్తుందని కంపెనీ తెలిపింది. ధర రూ. 10 లక్షలు (ఎక్స్-షోరూమ్).
ప్రస్తుతం మార్కెట్లో లభిస్తున్న ఈ టాప్ వేరియంట్ CNG కార్లు అధిక మైలేజీతో పాటు, ప్రీమియం ఫీచర్లను అందిస్తున్నాయి.
ఇంధన వ్యయం తగ్గించుకోవాలనుకునే వినియోగదారులకు ఇవి మంచి ఎంపికగా నిలుస్తాయి.