యూకేలో ఎలక్ట్రిక్ బ్యాటరీ ప్లాంట్‌ను ఏర్పాటు చేయనున్న టాటా మోటర్స్
ఈ వార్తాకథనం ఏంటి
టాటా మోటర్స్ యాజమాన్యంలోని జాగ్వార్ ల్యాండ్ లోవర్ యూకేలో ఎలక్ట్రిక్ కార్ల బ్యాటరీ ప్లాంట్ ను నిర్మించడానికి ప్రణాళికలు సిద్ధం చేస్తోంది.
నైరుతి ఇంగ్లండ్‌లోని సోమర్‌సెట్‌లో కొత్త ప్లాంట్ ను ఏర్పాటు చేయనున్నారు. ఈ కొత్త ప్లాంట్ కోసం అక్కడి ప్రభుత్వం భారీ మొత్తంలో సబ్సీడీలను ఇవ్వనున్నట్లు సమాచారం.
ఎలక్ట్రిక్ వెహికల్ (EV) బ్యాటరీ సామర్థ్యాన్ని స్థానికంగా నిర్మించడానికి ప్రపంచ రేసులో చేరేందుకు ప్రయత్నిస్తున్న బ్రిటన్‌కు ఈ ప్లాంట్ వల్ల భారీ ప్రయోజనం చేకూరనుంది.
ఆ ప్రాంతంలో బ్యాటరీలపై ఆధారపడే వాహన తయారీదారులకు ఈ ప్లాంట్ వల్ల బహుళ ప్రయోజనాలు పొందే అవకాశం ఉంది.
Details
దాదాపుగా 9వేల కొత్త ఉద్యోగాలు
ఈ పరిశ్రమ వల్ల సోమర్‌సెట్‌లో దాదాపుగా 9వేల కొత్త ఉద్యోగాలు రానున్నాయి.
UKలో బ్యాటరీ ఉత్పత్తిలో పెట్టుబడులు పెట్టడానికి JLR తీసుకున్న నిర్ణయాన్ని ప్రభుత్వం స్వాగతించిందని, దీంతో ఆ పరిశ్రమ కోసం అవసరమైన సబ్సిడీ ప్యాకేజీని అందిస్తామని పార్లమెంట్ వ్యాపార కమిటీ ఛైర్మన్ డారెన్ జోన్స్ అన్నారు.
2030 లోగా పెట్రోల్, డీజిల్ కార్ల అమ్మకాలను తగ్గించాలని, అందుకే ఎలక్ట్రికల్ వాహనాల ప్రోత్సహించడానికి బ్రిటన్ కృషి చేస్తోందన్నారు.
ఈ పరిశ్రమ కోసం సోమర్‌సెట్‌ ను ఎంపిక చేయడం బ్రిటీష్ ప్రభుత్వం సాధించిన విజయంగా భావిస్తామని చెప్పారు.