Ola S1 Air : ఓలా ఎస్1 ఎయిర్లో ఫీచర్స్ మాములుగా లేవుగా..!
ఈ వార్తాకథనం ఏంటి
ఈవీ వాహనాల విషయంలో భారతదేశంలో ఓలా కంపెనీ తనకంటూ ఓ ప్రత్యేక స్థానాన్ని ఏర్పరచుకుంది. సూపర్ స్టైలిష్ డిజైన్‌తో వచ్చే ఓలా స్కూటర్లను రైడర్లు ఎక్కువగా ఇష్టపడుతున్నారు. ఇక ఓలా సంస్థ నుంచి ఓలా ఎస్1 ఎయిర్ లాంచ్‌కు సిద్ధమవుతోంది.
ఈ క్రమంలో ఈ స్కూటర్ ఫీచర్స్ గురించి తెలుసుకుందాం. ఓలా తన ఎస్ 1 మోడల్, ఎస్ 1 ఎయిర్ పేరుతో తక్కువ ధరకే స్కూటర్ ను లాంచ్ చేసింది.
ఇండియాలో అతి చౌకైనా ఈవీగా ఈ ఎస్1 ఎయిర్ నిలుస్తోంది. ఇందులో 3 కేడబ్ల్యూహెచ్ లిథియం-ఐయాన్ బ్యాటరీ ప్యాక్ ఉంటుంది.
ఎస్1, ఎస్1 ప్రో ఉన్నట్లు కాకుండా, ఈ మోడల్లో బెల్ట్ డ్రైవ్ స్థానంలో హబ్ మోటార్ ఉండనుంది.
Details
ఒక్కసారి ఛార్జ్ చేస్తే 125 కిలోమీటర్లు
ఓలా ఎస్1 ఎయిర్ లో ఈకో, నార్మల్, స్పోర్ట్స్ వంటి రైడ్ మోడ్స్ కూడా ఇందులో ఉండన్నాయి. దీని టాప్ స్పీడ్ 90కేఎంపీహెచ్ కాగా, ఈ వెహికల్ ని ఒక్కసారి ఛార్జ్ చేస్తే ఏకంగా 125 కిలోమీటర్లు దూరం ప్రయాణించవచ్చని సంస్థ చెబుతోంది.
ఇక ఈ స్కూటర్లో జీపీఎస్ నేవిగేషన్, సైడ్ స్టాండ్ అలర్ట్, రివర్స్ మోడ్,, స్మార్ట్ఫోన్ కనెక్టివిటీ, ఓటీఏ అప్డేట్స్, రిమోట్ బూట్ అన్లాక్, 7 ఇంచ్ డిజిటల్ ఇన్స్ట్రుమెంట్ కన్సోల్ వంటి ఆప్షన్స్ కూడా వస్తున్నాయి.
ఈ వెహికల్ కోరమ్ గ్లామ్, జెట్ బ్లాక్, లిక్విడ్ సిల్వర్, నియో మింట్, పోర్సెలిన్ వైట్ కలర్లలో అందుబాటులో ఉంది. ఆఫర్ కింద ఈ స్కూటర్‌ను రూ.1.09 లక్షలకే పొందవచ్చు.