కేటీఎం నుంచి తొలి ఎలక్ట్రిక్ స్కూటర్.. లాంచ్ ఎప్పుడంటే?
ఈ వార్తాకథనం ఏంటి
దిగ్గజ ఆటోమొబైల్ సంస్థ కేటీఎం ఓ ఎలక్ట్రిక్ స్కూటర్ ను తయారుచేస్తున్నట్లు తెలుస్తోంది. ఇటలీ మిలాన్‌లో ఈ ఏడాది జరగనున్న ఈఐసీఎంఏ షో ఆ బైక్ ను ఆ సంస్థ ప్రదర్శించనున్నట్లు టాక్ నడుస్తోంది. ఈ నేపథ్యంలో ఈ స్కూటర్ కు సంబంధించిన వివరాలపై మనం ఓ లుక్కేద్దాం. ప్రస్తుతం ఈవీలను రూపొందించేందుకు అనేక ఆటోమొబైల్ సంస్థలు పోటీపడుతున్నాయి. తాజాగా ఈ జాబితాలోకి కేటీఎం కూడా చేరింది. ఇండియాలో దీనిని బజాజ్ ఆటో రూపొందించడానికి ప్లాన్ చేస్తోందట. ఇండియాలో తయారు చేసి అంతర్జాతీయ విపణిలోకి ఎగుమతి చేసే యోచనలో ఆ సంస్థ ఉందట.
Details
లాంచ్ సమయంలో ధరపై క్లారిటీ
ప్రస్తుతం కేటీఎం ఎలక్ట్రిక్ స్కూటర్ కు సంబంధించిన టెస్ట్ మ్యూల్ ఒకటి రోడ్డు మీద దర్శనమిచ్చింది. దీంతో ఈ టూవీలర్ డిజైన్ తో పాటు ఇతర వివరాలు లీక్ అయ్యాయి. ఇందులో ఫ్లాట్ సీట్, ఫ్లైస్క్రీన్తో పాటు వీల్స్ స్పోర్టీగా ఉండనున్నాయి. ఫ్రెంట్ ఏప్రన్ చాలా అగ్రెసివ్గా ఉండే అవకాశం ఉంది. ఫుట్బోర్డ్ ఫ్లాట్గా, సిల్వర్డ్ పిలియన్ గ్రాబ్ టెయిల్తో కూడిన సింగిల్ సీట్ ఉండొచ్చు. ఎల్ఈడీ హెడ్ల్యాంప్, డిజిటల్ ఇన్స్ట్రుమెంట్ క్లస్టర్, అల్యుమీనియం స్వింగ్ అర్మాతో పాటు అలాయ్ వీల్స్ రానున్నాయి. ధరకు సంబంధించిన విషయాలను లాంచ్ సమయంలో సంస్థ వెల్లడించే అవకాశం ఉంది. ఈ-స్కూటర్ కోసం కేటీఎం లవర్స్ ఎంతో ఆసక్తిగా ఎదురుచూస్తున్నారు.