బి ఎం డబ్ల్యూ R18 బైక్ లో ఉన్న టాప్ 5 ఫీచర్లు గురించి తెలుసుకుందాం
బి ఎం డబ్ల్యూ మోటోరాడ్ తన R 18 B మోటార్‌బైక్ అప్డేట్ వెర్షన్ ను USలోని డేటోనా బైక్ వీక్‌లో ప్రదర్శించింది. ద్విచక్ర వాహనం పేరు R 18 B హెవీ డ్యూటీ, దీనిని ప్రసిద్ధ కస్టమైజర్ ఫ్రెడ్ కోడ్లిన్, అతని కుమారుడు కలిపి రూపొందించారు. R 18 B హెవీ డ్యూటీ రెగల్ స్ప్రే-పెయింట్ తో ప్రదర్శించారు. వెనుక మడ్‌గార్డ్‌పై చేతితో చిత్రించిన పిన్‌స్ట్రైప్స్, ఎయిర్ బ్రష్డ్ మోడల్ కూడా ఉన్నాయి. అయితే, బ్రేక్ కాలిపర్‌లు, ఫుట్‌రెస్ట్‌లు, గేర్‌షిఫ్ట్, ఫుట్ బ్రేక్ లివర్లు నలుపు రంగులో పెయింట్ లో ఉన్నాయి. ప్రఖ్యాత టాటూ ఆర్టిస్ట్ మార్సెల్ సిన్‌వెల్ వ్యక్తిగతంగా ఈ పెయింట్ పనిని పూర్తి చేశారు.
R 18 B ఎయిర్ సస్పెన్షన్ సిస్టమ్‌తో వస్తుంది
హెవీ డ్యూటీ ఇండెంటేషన్‌లతో ఉన్న షీట్ మెటల్ ట్యాంక్, ట్రై-కలర్ అండర్‌ఫ్లోర్ లైటింగ్ సిస్టమ్‌తో ఉన్న ఫ్రంట్ స్పాయిలర్ ఉన్నాయి. ఇంజిన్ పైన ఉన్న రెక్కలు, సింగిల్-పీస్ రిబ్డ్ సీటు, విండ్‌స్క్రీన్ కూడా ఉన్నాయి. అల్కాంటారా/ఇమిటేషన్ లెదర్‌తో చేసిన కవర్‌తో ఉన్న ఇన్‌స్ట్రుమెంట్ క్లస్టర్ ప్రీమియం టచ్‌ ఉంది. R 18 B హెవీ డ్యూటీ ముందు, వెనుక వైపున ఒక ఎయిర్ సస్పెన్షన్ సిస్టమ్‌తో వస్తుంది, దీనికి సీక్రెట్ కంప్రెసర్ సపోర్ట్ ఉంది. బి ఎం డబ్ల్యూ R 18 B హెవీ డ్యూటీలో, ఇంజిన్ సిలిండర్ హెడ్ కవర్లు, ఇంటెక్ స్నార్కెల్, బెల్ట్ కవర్ మెటాలిక్ బ్లాక్ షేడ్‌లో ఉన్నాయి. అయితే, పవర్‌ట్రెయిన్‌లో ఎలాంటి మార్పులు చేయలేదు.
