భారతదేశంలో డీజిల్ ఇంజిన్ తో ఉన్న ఇన్నోవా Crysta అమ్మకాలు ప్రారంభించిన టయోటా సంస్థ
ఒక చిన్న విరామం తర్వాత, టయోటా ఇన్నోవా Crysta భారత మార్కెట్లో తిరిగి వచ్చింది. అయితే ఈ సారి కేవలం డీజిల్ తో మాత్రమే నడిచే మోడల్ వినియోగదారుల ముందుకు వచ్చింది. జనాదరణ పొందిన MPVని ఇప్పుడు రూ. 50,000 టోకెన్ అమౌంట్‌తో బుక్ చేసుకోవచ్చు. ఇన్నోవా హైక్రాస్ మోడల్ టయోటా మొదట నిలిపేసినా, దాని డిమాండ్ కారణంగా మళ్ళీ తిరిగి తీసుకువచ్చింది. గత సంవత్సరం మార్చిలో చేసిన సర్వే ప్రకారం, బ్రాండ్ 2021లో 55,250 యూనిట్ల ఇన్నోవా క్రిస్టా మోడల్‌ను అమ్మగలిగింది, ఇది భారతదేశంలో ఆ తయారీసంస్థ అత్యధికంగా అమ్మిన కారుగా నిలిచింది. ఎలక్ట్రిక్ వాహనాల ప్రాధాన్యత పెరగడంతో, అప్‌మార్కెట్ ఇన్నోవా హైక్రాస్ వెర్షన్‌ను కూడా ఈ సంస్థ పరిచయం చేసింది.
టొయోటా ఇన్నోవా Crysta 2.4-లీటర్ డీజిల్ ఇంజన్ ద్వారా నడుస్తుంది
టొయోటా ఇన్నోవా Crysta 2.4-లీటర్ డీజిల్ ఇంజన్ ద్వారా నడుస్తుంది. లోపల ఏడు/ఎనిమిది-సీట్ల క్యాబిన్, మినిమలిస్ట్ డ్యాష్‌బోర్డ్, రెండవ వరుస సీట్లకు వన్-టచ్ టంబుల్ ఫంక్షన్, పవర్డ్ డ్రైవర్ సీటు, వెనుక AC వెంట్‌లతో ఆటోమేటిక్ క్లైమేట్ కంట్రోల్ వంటి ఫీచర్లతో పాటు మల్టీఫంక్షనల్ స్టీరింగ్ వీల్ ఉంది. ప్రయాణికుల భద్రతా కోసం ఏడు ఎయిర్‌బ్యాగ్‌లు ABS, EBD, ESC ఉన్నాయ. టయోటా త్వరలోనే ఇన్నోవా Crysta ధర, ఇతర వివరాలను వెల్లడిస్తుంది. భారతదేశంలో MPV ధర సుమారుగా రూ. 20 లక్షలు (ఎక్స్-షోరూమ్) ఉండచ్చు. కారును ఇప్పుడు ఆన్‌లైన్‌లో లేదా బ్రాండ్ డీలర్‌షిప్‌ల ద్వారా బుక్ చేసుకోవచ్చు.
