TVS Motor : అమ్మకాలలో కొత్త రికార్డును సృష్టించిన టీవీఎస్ మోటార్స్
ఈ వార్తాకథనం ఏంటి
దేశీయ టూ వీలర్, త్రీ వీలర్ తయారీ ఇండస్ట్రీలో టీవీఎస్ మోటార్స్ కీలక పాత్ర పోషిస్తోంది.
తాజాగా అమ్మకాలలో ఆ దిగ్గజ కంపెనీ సరికొత్త రికార్డును క్రియేట్ చేసింది. టీవీఎస్ మోటార్ కంపెనీ సెప్టెంబర్ 2023లో మొత్తం అమ్మకాలలో 6శాతం వృద్ధితో సంచలన రికార్డు సృష్టించింది.
గత ఏడాది ఇదే నెలలో 3,79,011 యూనిట్లు విక్రయించగా, ఈసారి 4,02,553 యూనిట్లు అమ్ముడుపోవడం విశేషం. మొత్తంగా కంపెనీ ద్విచక్ర వాహనాల అమ్మకాలు 7శాతం వృద్ధిని సాధించాయి.
సెప్టెంబర్ 2022లో 3,61,729 యూనిట్ల నుండి సెప్టెంబర్ 2023లో 3,86,955 యూనిట్లకు చేరుకోవడం గమనార్హం.
దేశీయ ద్విచక్ర వాహనాల అమ్మకాలు కూడా 6శాతం వృద్ధిని నమోదు చేశాయి
Details
జోరుగా టాటా మోటార్స్ అమ్మకాలు
మోటార్‌సైకిల్ అమ్మకాలు సెప్టెంబరు 2023లో గతేడాది 1,69,322 యూనిట్ల నుండి 10శాతం వృద్ధితో 1,86,438 యూనిట్లకు పెరిగాయి.
సెప్టెంబర్ 2022లో 1,44,356 యూనిట్లతో పోలిస్తే 1,55,526 యూనిట్ల స్కూటర్ అమ్మకాలు 8శాతంతో ఆకట్టుకునే వృద్ధిని సాధించాయి.
TVS iQube ఎలక్ట్రిక్ మోడల్ ఈ వృద్ధికి గణనీయంగా దోహదపడింది.
సెప్టెంబర్ 2022లో అమ్మకాలు 92,975 యూనిట్ల నుండి సెప్టెంబర్ 2023లో 1,00,294 యూనిట్లకు పెరిగాయి.
కేవలం ద్విచక్ర వాహనాల ఎగుమతులు 11శాతం ఆకట్టుకునే వృద్ధిని సాధించి మొత్తం 86,462 యూనిట్లకు చేరుకున్నాయి.