అల్ట్రావైలెట్ ఎఫ్-77 మోడల్ గ్రాండ్ రిలీజ్.. రేపట్నుంచి బుకింగ్స్ ప్రారంభం
ప్రముఖ వాహనాల తయారీ సంస్థ అల్ట్రావైలెట్ నుంచి సోమవారం ఖరీదైన బైక్(EV) లాంచ్ అయ్యింది.ఈ మేరకు (ఎక్స్ షోరూమ్) ధర రూ.5.60 లక్షల భారీ ధరను కంపెనీ నిర్ణయించింది. చంద్రయాన్-3 స్ఫూర్తితోనే ఈ అత్యాధునిక ఎలక్ట్రిక్ వాహనాన్ని తయారీ చేసినట్లు ప్రకటించింది.ఈ కొత్త మోడల్ బైక్ కు ఎఫ్77గా కంపెనీ పేరు పెట్టింది. అంతరిక్ష రంగంలో భారత్ విశేష కృషిని, అమోఘ సాంకేతిక పురోగతి నేపథ్యంలో తాజాగా చంద్రయాన్-3 మిషన్ లాంచ్ చేసిందని కంపెనీ తెలిపింది. ఈ క్రమంలోనే స్ఫూర్తి పొంది ఎఫ్77 మోడల్ ను ఆటోమోబైల్ మార్కెట్లోకి తీసుకొస్తున్నట్లు స్పష్టం చేసింది. కేవలం 10 వాహనాలకే(లిమిటెడ్ ఎడిషన్) పరిమితి విధించామని తెలిపింది. మంగళవారం సాయంత్రం బుకింగ్స్ ప్రారంభమవుతాయని కంపెనీ వివరించింది.
