Yangwang Altior EV: రోల్స్‌ రాయిస్‌ పాంథమ్‌కు పోటీ...యాంగ్‌వాంగ్‌ ఆల్టియర్‌ టాప్‌ 10 హైలైట్స్
ఈ వార్తాకథనం ఏంటి
అత్యంత ఖరీదైన లగ్జరీ కార్ల మార్కెట్‌లో ఇప్పుడు చైనా నుంచి మరో బలమైన పేరు వినిపిస్తోంది. BYDకు చెందిన ప్రీమియం బ్రాండ్‌ యాంగ్‌వాంగ్‌ తన కొత్త ఫ్లాగ్‌షిప్‌ ఎలక్ట్రిక్‌ వాహనం ఆల్టియర్‌ను అబుదాబిలో ఆవిష్కరించింది. దాదాపు రూ.2.9 కోట్ల చైనా ధరతో వచ్చిన ఈ కారు, రోల్స్‌ రాయిస్‌ ఫాంటమ్‌ స్థాయి లగ్జరీకి పోటీగా నిలవాలని చూస్తోంది. సంప్రదాయ చైనీస్‌ కళ, అత్యాధునిక EV టెక్నాలజీ, లిమోసిన్‌ తరహా సౌకర్యాలు కలిసిన ఈ కారు ప్రత్యేకంగా కనిపిస్తుంది.
Details
పురాతన చైనా నుంచి డిజైన్‌ స్ఫూర్తి
ఆల్టియర్‌ డిజైన్‌లో చైనా చరిత్ర స్పష్టంగా కనిపిస్తుంది. పురాతన కాలంలో వేడుకల సమయంలో ఉపయోగించే డింగ్‌ అనే కాంస్య పాత్ర ఆకృతిని స్ఫూర్తిగా తీసుకుని దీని డిజైన్‌ను రూపొందించారు.
5,600 మి.మీ. పొడవు, 2,030 మి.మీ. వెడల్పు, 1,590 మి.మీ. ఎత్తుతో ఇది భారీ పరిమాణంలో ఉంటుంది. 3,500 మి.మీ. వీల్‌బేస్‌ కారణంగా లోపల ప్రయాణికులకు విస్తారమైన స్థలం లభిస్తుంది.
ముందుభాగంలోని నగల తరహా గ్రిల్‌, 12 లైటింగ్‌ ఎలిమెంట్లతో కూడిన ప్రత్యేక లైట్‌ సిగ్నేచర్‌ కారుకు మరింత రాజసమైన రూపాన్ని ఇస్తాయి.
Details
తలుపులు తెరిస్తే మరో ప్రపంచం
ఆల్టియర్‌లో సాధారణ కారు అనుభూతి కంటే ప్రైవేట్‌ లాంజ్‌ అనుభవమే ఎక్కువగా కనిపిస్తుంది.
ముందు కోచ్‌ డోర్లు 80 డిగ్రీల వరకు, వెనుక డోర్లు 90 డిగ్రీల వరకు తెరుచుకుంటాయి.
తలుపుల్లోనే బీజింగ్‌ టెంపుల్‌ ఆఫ్‌ హెవెన్‌ స్ఫూర్తితో రూపొందించిన గొడుగులను అమర్చారు.
క్యాబిన్‌లో ఎల్లో హెటియన్‌ జేడ్‌, సుజౌ ఎంబ్రాయిడరీ, సెమీ-అనిలిన్‌ లెదర్‌, సహజ కలప, వూల్‌ ఫ్లోర్‌ మ్యాట్స్‌ వంటి ఖరీదైన మెటీరియల్స్‌ వాడారు.
అంటే బయట లగ్జరీ కనిపిస్తే.. లోపల దాని స్థాయి మరింత పెరుగుతుంది.
Details
నాలుగు సీట్లలో ఫస్ట్‌క్లాస్‌ సౌకర్యం
ఆల్టియర్‌ను నాలుగు సీట్లతో రూపొందించారు. ముఖ్యంగా వెనుక సీట్లను ఎగ్జిక్యూటివ్‌ లాంజ్‌లా తీర్చిదిద్దారు.
విమానాల్లో కనిపించే జీరో-గ్రావిటీ సీట్లు, మసాజ్‌ ఫంక్షన్‌, రిక్లైనింగ్‌ బ్యాక్‌రెస్ట్‌, వన్‌టచ్‌ రిలాక్సేషన్‌ మోడ్‌ ఇందులో ఉన్నాయి.
అంతేకాదు, 39-స్పీకర్‌ Dynaudio Platinum Evidence ఆడియో సిస్టమ్‌, 21.4 అంగుళాల పవర్డ్‌ ఓవర్‌హెడ్‌ డిస్‌ప్లే, ముందు-వెనుక రిఫ్రిజిరేటర్లు, 532 లీటర్ల బూట్‌ స్పేస్‌ కూడా ఉన్నాయి.
Details
నీటిలో పడినా తేలే టెక్నాలజీ
ఆల్టియర్‌లో అందరి దృష్టిని ఆకర్షిస్తున్న ఫీచర్‌ అత్యవసర ఫ్లోటేషన్‌ సిస్టమ్‌.
వాహనం అనుకోకుండా నీటిలోకి వెళ్లిన పరిస్థితుల్లో కొంతకాలం తేలేందుకు ఇది సహాయపడుతుంది.
BYD e4 ప్లాట్‌ఫామ్‌పై నిర్మించిన ఈ EVలో నాలుగు స్వతంత్ర ఎలక్ట్రిక్‌ మోటార్లు ఉన్నాయి.
ఇవి టార్క్‌ను సెకనుకు 100 సార్లకుపైగా నియంత్రించగలవు. ట్యాంక్‌ టర్న్‌ సామర్థ్యం కూడా ఉండటం ఆల్టియర్‌ టెక్నాలజీ స్థాయిని చూపిస్తుంది.
Details
ఒక్క ఛార్జ్‌తో 1,000 కి.మీ.కుపైగా
రేంజ్‌ విషయంలోనూ ఆల్టియర్‌ సాధారణ లగ్జరీ EVలకు భిన్నంగా నిలుస్తోంది.
రెండో తరం బ్లేడ్‌ బ్యాటరీతో పనిచేసే ఈ వాహనం CLTC ప్రమాణాల ప్రకారం 621 మైళ్లు, అంటే సుమారు 1,000 కి.మీ.కుపైగా ప్రయాణించగలదని కంపెనీ చెబుతోంది.
4nm Xuanji A3 చిప్‌, God's Eye A ఆటోనమస్‌ డ్రైవింగ్‌ సూట్‌ ఇందులో ఉన్నాయి. Executive, Bespoke వేరియంట్లతో పాటు Shanhe Dingyun అనే ప్రత్యేక ఎడిషన్‌ను పరిమిత సంఖ్యలో విడుదల చేయనున్నారు.