MG Windsor EV Booking : MG విండ్సర్ EVని బుకింగ్ ప్రారంభం.. ఛార్జ్ చేస్తే 332 కిలోమీటర్లు
మీరు కొత్త ఎలక్ట్రిక్ కారు కొనుగోలు చేయాలనుకుంటే, ఈ వార్త మీ కోసం! టాటా మోటార్స్ తరువాత, దేశంలో రెండో అతిపెద్ద ఎలక్ట్రిక్ కారు విక్రయదారు అయిన ఎంజీ మోటార్స్, ఎంజీ విండ్సర్ ఈవీ కోసం బుకింగ్ ప్రారంభించింది. కంపెనీ అక్టోబర్ 3వ తేదీ ఉదయం 7:30 గంటలకు ఈ వాహనానికి బుకింగ్‌లను ప్రారంభించింది. అక్టోబర్ 3 నుండి, కస్టమర్లు జేఎస్డబ్ల్యూ ఎంజీ మోటార్ ఇండియా షోరూమ్‌లలో ₹11,000 టోకెన్ అమౌంట్ చెల్లించి విండ్సర్ ఈవీని బుక్ చేసుకోవచ్చు. ఈ కారు డెలివరీలు అక్టోబర్ 12 నుండి ప్రారంభం అవుతాయి. ఎంజీ విండ్సర్ ఈవీని బుక్ చేసుకోవడానికి కస్టమర్లు తమ సమీప డీలర్‌షిప్‌ను సందర్శించవచ్చు లేదా బ్రాండ్, అధికారిక వెబ్‌సైట్‌ను సందర్శించవచ్చు.
ఈవీ ఒక్కసారి ఛార్జ్ చేస్తే 332 కిలోమీటర్ల డ్రైవింగ్ రేంజ్
ఎంజీ విండ్సర్ ఈవీ ఫీచర్లు, పవర్ట్రెయిన్, డ్రైవింగ్ రేంజ్, ధర గురించి వివరంగా తెలుసుకుందాం. పవర్ట్రెయిన్ విషయానికి వస్తే, ఎంజీ విండ్సర్ ఈవీ 38 కిలోవాట్ల బ్యాటరీతో పనిచేస్తుంది. ఇది గరిష్టంగా 136 బిహెచ్పీ శక్తిని, 200 ఎన్ఎమ్ గరిష్ట టార్క్‌ను ఉత్పత్తి చేస్తుంది. ఎంజీ విండ్సర్ ఈవీ 4 డ్రైవింగ్ మోడ్స్ (ఎకో+, ఎకో, నార్మల్, స్పోర్ట్)లో అందుబాటులో ఉంది. నివేదికల ప్రకారం, ఈ ఈవీ ఒక్కసారి ఛార్జ్ చేస్తే 332 కిలోమీటర్ల డ్రైవింగ్ రేంజ్‌ను అందిస్తుంది. భారత మార్కెట్లో ఎంజీ విండ్సర్ ఈవీ బ్యాటరీ సబ్‌స్క్రిప్షన్‌తో ప్రారంభ ఎక్స్-షోరూమ్ ధర ₹9.99 లక్షలు, సాధారణ ఎక్స్-షోరూమ్ ధర ₹13.50 లక్షలుగా ఉంది.
మల్టిపుల్ ఎయిర్‌బ్యాగ్స్
అదే విధంగా,ఎంజీ విండ్సర్ ఈవీలో 15.6 అంగుళాల టచ్‌స్క్రీన్ ఇన్ఫోటైన్మెంట్ సిస్టమ్, యూఎస్బీ ఛార్జింగ్ పోర్ట్, రియర్ ఏసీ వెంట్స్, వైర్లెస్ ఫోన్ మిర్రరింగ్, 360 డిగ్రీల కెమెరా, కనెక్టెడ్ కారు టెక్నాలజీ, 8.8 అంగుళాల ఫుల్లీ డిజిటల్ ఇన్స్ట్రుమెంట్ క్లస్టర్, మౌంటెడ్ కంట్రోల్స్‌తో కూడిన ఫ్లాట్ బాటమ్ స్టీరింగ్ వీల్, మల్టిపుల్ ఎయిర్‌బ్యాగ్స్ ఉన్నాయి.
లెవల్ -2 అడ్వాన్స్ డ్ డ్రైవర్ అసిస్టెన్స్ సిస్టమ్స్
ఫీచర్లలో ఎలక్ట్రానిక్ టెయిల్ గేట్, ఇంటీరియర్ లోపల యాంబియంట్ లైటింగ్, స్టీరింగ్ వీల్ పై అమర్చిన మీడియా కంట్రోల్స్ ఉన్నాయి. మెరుగైన భద్రత కోసం, ఎంజీ విండ్సర్‌లో లెవల్ -2 అడ్వాన్స్ డ్ డ్రైవర్ అసిస్టెన్స్ సిస్టమ్స్ (ADAS) సూట్ అమర్చారు. ఇందులో ఎలక్ట్రానిక్ స్టెబిలిటీ ప్రోగ్రామ్ (ESP), టైర్ ప్రెజర్ మానిటరింగ్ సిస్టమ్ (TPMS), ఐసోఫిక్స్ చైల్డ్ సీట్ మౌంట్స్, రెయిన్ సెన్సింగ్ వైపర్లు, ఆటో డిమ్మింగ్ ఇంటీరియర్ రియర్ వ్యూ మిర్రర్లు ఉన్నాయి.
