Dhanteras: ధనత్రయోదశి రోజున కుటుంబానికి భవిష్యత్తులో ఉపయోగపడేవి కొనొచ్చు.. అవేంటో తెలుసా..?
దీపావళి పండుగ సమయంలో ప్రతి ఇల్లు దీపాలతో మెరిసిపోతుంది, పువ్వులు, ఇతర అలంకరణలతో ఇల్లు ముస్తాబవుతుంది. దీపావళి ముందు వచ్చే ధన త్రయోదశి (ధన్‌తేరస్‌) నాడు బంగారం, వెండి వంటి విలువైన వస్తువులను కొనుగోలు చేయడం భారతీయ సంప్రదాయం. ఈరోజు కొనుగోలులు ఆస్తిని, అదృష్టాన్ని తీసుకువస్తాయని నమ్ముతారు. ధన త్రయోదశి పండుగతో మాత్రమే కాకుండా, ఈ రోజును ఆర్థిక పెట్టుబడుల ప్రారంభానికి కూడా మంచిదిగా భావిస్తారు.
బంగారం, వెండి కొనుగోలు
ధన త్రయోదశి పండుగ అంటే బంగారం, వెండి కొనుగోలు చేయడమే అని చాలా మంది నమ్ముతారు. ముఖ్యంగా బంగారు, వెండి నాణేలు లేదా బంగారంతో చేసిన నగలను కొనడం కాలక్రమేణా ఆస్తి విలువ పెరగడంలో సహాయపడుతుంది. 2022లో ఈ పండుగ రోజున సుమారు 40 టన్నుల బంగారం అమ్ముడయ్యింది. ప్రస్తుతం బంగారం ధర దాదాపు రూ.60,000కి చేరుకుంది.
బీమా పెట్టుబడులు
ఆరోగ్య బీమా, జీవిత బీమా వంటి ప్రణాళికలు కూడా ధన త్రయోదశి రోజున ప్రారంభించవచ్చు. అనుకోని వైద్య ఖర్చులను ఎదుర్కొనేందుకు ఆరోగ్య బీమా అవసరం. అలాగే సంపాదించే వ్యక్తికి కనీసం వార్షిక ఆదాయానికి 12-15 రెట్లు టర్మ్‌ బీమా ఉండటం అవసరం. గృహోపకరణాలు పండుగ రోజుల్లో ఫ్రిజ్‌, వాషింగ్‌ మెషీన్‌, మిక్సీ వంటి నిత్యావసర గృహోపకరణాల కొనుగోలుపై కూడా పండుగ ఆఫర్లు అందుబాటులో ఉంటాయి. ఈ ఆఫర్లతో కొనుగోలు చేయడం ఆర్థిక లాభాన్ని తెస్తుంది. కిచెన్‌వేర్, పాత్రలు ఇత్తడి పాత్రలను కొనడం సంప్రదాయంగా ధన త్రయోదశి రోజున జరిపే మరొక ముఖ్యమైన ఆనవాయితీ. దీని వల్ల ఏడాది పొడవునా సంపద ప్రవహిస్తుందని నమ్ముతారు.
వాహనాలు
ధన త్రయోదశి పండుగ రోజు కొత్త వాహనం కొనడం కూడా చాలా మందికి శుభప్రదంగా భావిస్తారు. కారు లేదా బైక్ కొనుగోలుపై పండుగ ఆఫర్లు ఉంటాయి, ఇది వాహనం కొనడానికి ముఖ్యమైన రోజే అని చెప్పొచ్చు. మ్యూచువల్‌ ఫండ్లు మ్యూచువల్‌ ఫండ్లు వంటి పెట్టుబడులను ధన త్రయోదశి రోజున ప్రారంభించడం సంపద పెంపుదలకి దోహదం చేస్తుందని నిపుణులు చెబుతున్నారు. SIP (Systematic Investment Plan) ద్వారా తక్కువ మొత్తంతోనూ ఈ పెట్టుబడులను మొదలు పెట్టవచ్చు. ఇల్లు కొనుగోలు పండుగ సీజన్‌ ఇంటి కొనుగోలుకు కూడా శుభమయం. ఈ సమయంలో డెవలపర్లు మంచి ఆఫర్లు, బ్యాంకులు హోమ్ లోన్‌ తగ్గింపు వడ్డీ రేట్లను అందిస్తాయి.
చివరిగా..
ధనత్రయోదశి రోజున సంప్రదాయ కోనుగోళ్లలో డబ్బును వెచ్చించడం శుభప్రదం. అలాగే, జీవన ప్రమాణాలను మెరుగుపరచే సాధనాలు, దీర్ఘకాల ప్రయోజనాలను అందించే పెట్టుబడులను ప్రారంభించడం కూడా మంచిదే.
