Adani Group: గ్రీన్ హైడ్రోజన్ ఇన్‌ఫ్రాస్ట్రక్చర్‌లో $9 బిలియన్ల పెట్టుబడికి అదానీ గ్రూప్ ప్లాన్
భారతదేశం, ఆసియాలో రెండవ అత్యంత సంపన్నుడైన గౌతమ్ అదానీ గ్రీన్ ఎనర్జీ రంగంలో భారీ పెట్టుబడి పెట్టటానికి సిద్ధమవుతున్నాడు. మింట్ నివేదిక ప్రకారం, గ్రీన్ హైడ్రోజన్ వ్యాపారం మొదటి దశ కోసం అదానీ గ్రూప్ తొమ్మిది బిలియన్ డాలర్ల పెట్టుబడిని ప్లాన్ చేసింది. ఇందులో నాలుగు బిలియన్ డాలర్లు యంత్రాలు,తయారీ కర్మాగారాలు మొదలైన వాటిలో పెట్టుబడి పెడతారు. ఐదు బిలియన్ డాలర్లు 5 GW ఎలక్ట్రోలైజర్ తయారీ సామర్థ్యం అభివృద్ధికి ఖర్చు చేస్తారు.దీంతో దాదాపు 10 వేల మందికి ఉపాధి లభిస్తుందని భావిస్తున్నారు. అదానీ గ్రూప్ మూడు మిలియన్ టన్నుల గ్రీన్ హైడ్రోజన్ సామర్థ్యాన్ని లక్ష్యంగా పెట్టుకుంది. ఇందులో 2030 నాటికి ఒక మిలియన్ టన్నుల సామర్థ్యాన్ని సాధించాలని లక్ష్యంగా పెట్టుకున్నారు.
నీరు, స్వచ్ఛమైన విద్యుత్ నుండి గ్రీన్ హైడ్రోజన్
ప్రపంచంలోనే అత్యంత చౌకైన గ్రీన్ హైడ్రోజన్‌ను తమ కంపెనీ ఉత్పత్తి చేస్తుందని అదానీ చాలాసార్లు ప్రకటించారు. మూలాల ప్రకారం, గ్రీన్ హైడ్రోజన్ ఉత్పత్తి ప్రారంభమైన తర్వాత, అదానీ గ్రూప్ దానిని యూరప్, కొన్ని ఆసియా దేశాలకు నౌకల ద్వారా ఎగుమతి చేస్తుంది. ఈ రంగంలో అదానీ గ్రూప్ లార్సెన్ & టూబ్రో, ఇండియన్ ఆయిల్, ఆయిల్ ఇండియాతో పోటీ పడవచ్చు. గ్రీన్‌హౌస్ వాయు ఉద్గారాలను తగ్గించడంలో గ్రీన్ హైడ్రోజన్ పాత్ర ముఖ్యమైనదిగా పరిగణించబడుతుంది. గ్రీన్ హైడ్రోజన్ నీరు, స్వచ్ఛమైన విద్యుత్ నుండి తయారవుతుంది. భవిష్యత్ ఇంధనంగా పిలువబడుతుంది. ముఖేష్ అంబానీ నేతృత్వంలోని రిలయన్స్ ఇండస్ట్రీస్ కూడా గ్రీన్ ఎనర్జీలో 75 బిలియన్ డాలర్ల పెట్టుబడిని ప్రకటించింది.
ఎలక్ట్రోలైజర్
అదానీ గ్రూప్ గ్రీన్ హైడ్రోజన్ వ్యాపారం, మొదటి దశ ఆల్కలీన్ ఎలక్ట్రోలైజర్‌పై ఆధారపడి ఉంటుందని వర్గాలు చెబుతున్నాయి. ఇందులో ఒక కిలో హైడ్రోజన్‌ను తయారు చేసేందుకు కనీసం తొమ్మిది కిలోల నీరు అవసరం. తరువాత, అయాన్ ఎక్స్ఛేంజ్ మెమ్బ్రేన్ ఆధారంగా ఎలక్ట్రోలైజర్ తయారు చేయబడుతుంది. గ్రీన్ బిజినెస్ కోసం అదానీ గ్రూప్ అదానీ న్యూ ఇండస్ట్రీస్ పేరుతో కంపెనీని ఏర్పాటు చేసింది. గత ఆర్థిక సంవత్సరంలో అదానీ గ్రూప్ మొత్తం ఆదాయంలో దాని వాటా తొమ్మిది శాతం. అదానీ గ్రూప్ వ్యాపారం అనేక రంగాలలో విస్తరించి ఉంది. ఇది టాటా గ్రూప్, రిలయన్స్ తర్వాత మార్కెట్ క్యాప్ పరంగా దేశంలో మూడవ అతిపెద్ద పారిశ్రామిక సంస్థ.
