Virat Kohli : సచిన్‌ను దాటి కోహ్లీ నెంబర్ వన్.. ఒకే ఫార్మాట్‌లో అత్యధిక సెంచరీల రికార్డు!
ఈ వార్తాకథనం ఏంటి
రాంచీలో జరిగిన దక్షిణాఫ్రికాతో తొలి వన్డేలో టీమిండియా సీనియర్ బ్యాట్స్‌మన్‌, మాజీ కెప్టెన్ విరాట్ కోహ్లీ అరుదైన రికార్డును నమోదు చేశాడు. 102 బంతుల్లో అద్భుత శతకంతో మెరిసిన కోహ్లీ, మార్కో జాన్సెన్ బౌలింగ్‌లో కవర్‌ డ్రైవ్‌తో ఫోర్ కొట్టి మూడు అంకెల స్కోరు అందుకున్నాడు. ఇది అతని వన్డే కెరీర్‌లో 52వ శతకం, ఒక అరుదైన మైలురాయి. ఈ ఇన్నింగ్స్‌తో కోహ్లీ, భారత క్రికెట్ దిగ్గజం సచిన్ టెండూల్కర్‌ను ఒక కీలక విభాగంలో దాటేశాడు.
Details
306 వన్డేలు ఆడిన విరాట్ కోహ్లీ
ఒకే ఫార్మాట్‌లో అత్యధిక శతకాలు చేసిన ఆటగాడిగా కోహ్లీ నూతన చరిత్ర సృష్టించాడు. సచిన్ టెండూల్కర్ టెస్టు క్రికెట్‌లో 200 మ్యాచ్‌లు ఆడి, 53.8 సగటుతో 15,921 పరుగులు సాధించాడు. అందులో 51 సెంచరీలు, 68 హాఫ్ సెంచరీలు ఉన్నాయి. కోహ్లీ విషయానికి వస్తే తాజా వన్డేతో కలిపి అతను ఇప్పటి వరకూ 306 వన్డేలు ఆడాడు. 293 ఇన్నింగ్స్‌లలో 57.7 సగటుతో 14,255 పరుగులు చేశాడు. ఈ ప్రయాణంలో 51 శతకాలు, 75 అర్ధశతకాలున్నాయి.
Details
ఒకే ఫార్మాట్‌లో అత్యధిక శతకాలు చేసిన ఆటగాళ్ల జాబితా
విరాట్ కోహ్లీ (భారత్) - 52 శతకాలు (వన్డేలు) సచిన్ టెండూల్కర్ (భారత్) - 51 శతకాలు (టెస్టులు) సచిన్ టెండూల్కర్ (భారత్) - 49 శతకాలు (వన్డేలు) జాక్వెస్ కాలిస్ (దక్షిణాఫ్రికా) - 45 శతకాలు (టెస్టులు) రికీ పాంటింగ్ (ఆస్ట్రేలియా) - 41 శతకాలు (టెస్టులు) కోహ్లీ శతకం రికార్డులను తిరగరాస్తూనే, వన్డే క్రికెట్‌లో తన ఆధిపత్యాన్ని మరొకసారి నిరూపించాడు.