Tata Capital IPO: నిరాశ పరిచిన టాటా క్యాపిటల్ .. 1% ప్రీమియంతో లిస్టింగ్
ఈ వార్తాకథనం ఏంటి
టాటా గ్రూప్‌కు చెందిన నాన్‌బ్యాంకింగ్ ఫైనాన్షియల్ కంపెనీ టాటా క్యాపిటల్ సోమవారం స్టాక్ మార్కెట్‌లో లిస్ట్ అయింది. దలాల్ స్ట్రీట్‌లో ఈ కంపెనీ సాధారణ,సాదాసీదా ప్రవేశాన్ని చేసింది.షేర్లను కేవలం 1 శాతం ప్రీమియంతో ప్రారంభించగా,పబ్లిక్ ఇష్యూలో భాగంగా ఒక్కో షేరు రూ.310-326 మధ్య ధరలో లభించగా,మార్కెట్ ప్రారంభంలో బీఎస్‌ఈ, ఎన్‌ఎస్‌ఈలో షేర్లు రూ.330 వద్ద ట్రేడింగ్‌ను ప్రారంభించాయి, అంటే బలమైన డెబ్యూ అని చెప్పలేం. పబ్లిక్ ఇష్యూలో 50 శాతం షేర్లను క్వాలిఫైడ్ ఇన్‌స్టిట్యూషనల్ ఇన్వెస్టర్లకు, 35 శాతం షేర్లను రిటైల్ ఇన్వెస్టర్లకు,15శాతం షేర్లను నాన్ ఇన్‌స్టిట్యూషనల్ ఇన్వెస్టర్లకు కేటాయించారు. ఈ పబ్లిక్ ఇష్యూ ద్వారా సమీకరించిన నిధులను కంపెనీ టైర్-1 క్యాపిటల్ బేస్ బలోపేతం, అలాగే భవిష్యత్తులోని క్యాపిటల్ అవసరాలకు వినియోగించనుంది.
వివరాలు
టాటా టెక్నాలజీస్‌ తరువాత వచ్చిన అతిపెద్ద IPO
బ్యాంకింగ్ నియంత్రణల ప్రకారం, అప్పర్ లేయర్ NBFCs 3 సంవత్సరాల్లో మార్కెట్‌లో లిస్ట్ అవ్వాలి అనే ఆర్డర్ మేరకు టాటా క్యాపిటల్ పబ్లిక్ ఇష్యూకు వచ్చింది. పబ్లిక్ ఇష్యూకు సంబంధించి టాటా క్యాపిటల్ ఈ ఏడాది ఏప్రిల్‌లో ప్రీ-ఫైలింగ్ రూట్ ద్వారా సెబీకి ముసాయిదా పత్రాలను సమర్పించింది, జులైలో అనుమతులు పొందింది. గమనార్హమైన విషయం ఏమిటంటే, ఇది 2023లో వచ్చిన టాటా టెక్నాలజీస్‌ తరువాత వచ్చిన అతిపెద్ద IPO. 2024-25 ఆర్థిక సంవత్సరానికి ఈ కంపెనీ రూ.3,655 కోట్ల నికర లాభాన్ని సాధించింది,గత సంవత్సరం ఇది రూ.3,327 కోట్లుగా ఉంది. ఆదాయం కూడా రూ.18,175 కోట్ల నుండి రూ.28,313 కోట్లకు పెరిగింది.
వివరాలు
70 లక్షల మంది కస్టమర్లకు రుణాలు
టాటా క్యాపిటల్ 2007లో వాణిజ్య సేవలను ప్రారంభించింది. 2025 మార్చి 31 వరకు 70 లక్షల కస్టమర్లకు రుణాలు అందించింది. వేతన వేతనం పొందే, స్వయంఉపాధి కలిగిన వ్యక్తులు, సూక్ష్మ, చిన్న, మధ్యతరహా వ్యాపారాలు, అలాగే కార్పొరేట్ కస్టమర్లకు కూడా రుణాలను అందిస్తోంది. రుణాలతోపాటు, ఈ సంస్థ ఇన్సూరెన్స్, క్రెడిట్ కార్డులు, వెల్త్ మేనేజ్‌మెంట్ సేవలు, అలాగే ప్రైవేట్ ఈక్విటీ ఫండ్స్‌కి ఇన్వెస్ట్‌మెంట్ మేనేజర్గా కూడా వ్యవహరిస్తోంది.