కంపెనీల మధ్య పోటీ.. దిగివస్తున్న సిమెంట్ ధరలు
ఈ వార్తాకథనం ఏంటి
సిమెంట్ ధరలు క్రమంగా దిగివస్తున్నాయి. ప్రస్తుత ఫైనాన్షియల్ ఇయర్ లో దేశీయ సిమెంట్ కంపెనీలు 3 శాతం మేర ధరలు తగ్గించేందుకు అవకాశం ఉందని క్రిసిల్‌ రేటింగ్స్‌ ఓ నివేదిక రిలీజ్ చేసింది.
డిమాండ్‌ ఆరోగ్యకరంగానే ఉన్నా కంపెనీల మధ్య పోటీ పెరిగి, ముడివ్యయాలు తగ్గిన కారణంగా రిటైల్‌ ధర దిగుతుందని వెల్లడించింది.
గత సంవత్సరంలో 50 కేజీల సిమెంట్ బస్తా రూ. 391 గరిష్ఠస్థాయిని తాకింది.
కరోనా సమయంలో ఏర్పడ్డ సరఫరా అవాంతరాలు, బొగ్గు ధరలు ఎక్కువ కావడంతో సిమెంట్ ధర అమాంతం పెరిగింది.
ప్రస్తుతం కంపెనీలు మార్కెట్‌ లో తమ వాటాను పెంచుకునేందుకే మొగ్గుచూపుతున్నందున ఈ ఏడాది సిమెంట్ ధర తగ్గనుంది.ఇప్పటికే కొన్ని కంపెనీలు ఒక శాతం మేర తగ్గించాయి.
DETAILS
పెట్‌-కోక్‌ ధర ఇంకా దిగివస్తుంది : క్రిసిల్‌
7 ఏళ్లలో మొదటిసారిగా వర్షాకాలం ముందు ఏప్రిల్‌, మేలో సిమెంట్ ధరలు పెరుగుతుంటాయి. కానీ కంపెనీల పోటీతో ఫస్ట్ టైమ్ ఏప్రిల్‌, మే నెలల్లో ధరలు పెరగలేదని క్రిసిల్‌ డైరెక్టర్‌ హితాల్‌ గాంధీ వెల్లడించారు.
గత ఏడాదితో పోలిస్తే ఈసారి ధరలు 2 శాతం మేర తగ్గి బస్తా రూ. 382 నుంచి రూ. 285కి దిగివస్తుందన్నారు.
సిమెంట్ ఉత్పత్తికి అవసరమైన బొగ్గు ధరలు తగ్గడం ఆయా కంపెనీలకు కలిసి వస్తుందని క్రిసిల్‌ స్పష్టం చేశారు.
మరోవైపు క్రూడ్‌ ధరకు అనుగుణంగా అంతర్జాతీయంగా పెట్‌-కోక్‌ ధర 13 శాతం పడిపోయిందని వివరించారు.
ముడి చమురు శుద్దితో ఉత్పత్తి చేసే పెట్‌-కోక్‌ ధర ఇంకా దిగివస్తుందని తాము భావిస్తున్నామన్నారు.