Cognizant: AI దిశగా కోగ్నిజెంట్ అడుగు.. 4 వేల ఉద్యోగాల కోత
ఈ వార్తాకథనం ఏంటి
దేశవ్యాప్తంగా ఐటీ రంగంలో మార్పులు వేగంగా చోటుచేసుకుంటున్న వేళ, కాగ్నిజెంట్ టెక్నాలజీ సొల్యూషన్స్ కీలక నిర్ణయం తీసుకుంది. సుమారు 4,000 మంది ఉద్యోగులను, అంటే మొత్తం వర్క్ఫోర్స్లో దాదాపు 1% మందిని తొలగించనున్నట్లు ప్రకటించింది. డిమాండ్ తగ్గుదలతో పాటు ఆటోమేషన్ వైపు కంపెనీ మళ్లడం ఈ నిర్ణయానికి కారణమైంది. ఇదే సమయంలో 'ప్రాజెక్ట్ లీప్' పేరుతో కొత్త ట్రాన్స్ఫర్మేషన్ ప్రోగ్రామ్ను కూడా ప్రకటించింది. ఇందులో ఆర్టిఫిషియల్ ఇంటెలిజెన్స్ (AI), డిజిటల్ సర్వీసులు, ఉద్యోగుల నైపుణ్యాల పెంపుపై దృష్టి పెట్టనుంది. ఈ ప్రాజెక్ట్కు $230 మిలియన్ నుంచి $320 మిలియన్ వరకు ఖర్చవుతుందని, అందులో ఉద్యోగ విరమణ ప్యాకేజీల కోసం $200-$270 మిలియన్ వెచ్చించనుంది.
వివరాలు
ఈ ఏడాది 20 వేలకుపైగా ఫ్రెషర్లను నియమించిన కంపెనీ
అయితే 2026 నాటికి $300 మిలియన్ వరకు ఆదా అవుతుందని కంపెనీ అంచనా వేస్తోంది. తొలగింపుల సంఖ్యను స్పష్టంగా వెల్లడించకపోయినా,ఈ ఏడాది 20 వేలకుపైగా ఫ్రెషర్లను నియమించనున్నట్లు తెలిపింది. CEO S. Ravi Kumar బాధ్యతలు చేపట్టిన తర్వాత ఇది రెండోసారి లేఆఫ్స్ కావడం గమనార్హం. ఇదే సమయంలో ఇతర కంపెనీలు కూడా ఉద్యోగాల కోత వైపు అడుగులు వేస్తున్నాయి. Oracle Corp.ఈ ఏడాది ప్రారంభంలో 19% ఉద్యోగులను తొలగించగా, టాటా కన్సల్టెన్సీ సర్వీసెస్ గత వేసవిలో 2% ఉద్యోగులను తగ్గించింది. ఇక తాజా ఆర్థిక ఫలితాల్లో కోగ్నిజెంట్కు $5.41 బిలియన్ రెవెన్యూ నమోదవగా, నికర లాభం $662 మిలియన్గా నిలిచింది.