charge-off: క్రెడిట్ కార్డ్ రిపోర్ట్‌.. ఛార్జ్‌-ఆఫ్‌ గురించి తెలుసా..?
ఈ వార్తాకథనం ఏంటి
చార్జ్-ఆఫ్‌ అనే పదం క్రెడిట్ కార్డులతో సంబంధించి వినిపించిందా? మీ కార్డ్ రిపోర్ట్‌లో ఈ ఎంట్రీ ఉంటే, అది మీ సిబిల్‌ స్కోరుపై తీవ్రమైన ప్రతికూల ప్రభావం చూపిస్తుంది. దీని కారణంగా భవిష్యత్‌లో రుణాలు పొందడం కూడా కష్టతరం అవుతుంది. అయితే, ఈ 'చార్జ్-ఆఫ్‌' అంటే ఏమిటి, ఎప్పుడు రిపోర్ట్‌ చేస్తారు, మరియు దాని ప్రభావాలు ఏమిటో తెలుసుకుందాం.
Details
చార్జ్-ఆఫ్‌ అంటే ఏమిటి?
మీరు ఆరు నెలల లేదా అంతకంటే ఎక్కువ కాలం క్రెడిట్ కార్డు బకాయిలను చెల్లించకపోతే, రుణదాత (బ్యాంక్/ఫైనాన్స్‌ సంస్థ) మీ ఖాతాను రైటాఫ్‌ చేస్తారు. దీన్ని 'చార్జ్-ఆఫ్‌' అని పిలుస్తారు. రైటాఫ్‌ అంటే మీరు రుణం నుంచి మినహాయింపు పొందినట్లే కాదు. చార్జ్-ఆఫ్‌ అయినా, మొత్తం బకాయి మొత్తం చెల్లించాల్సి ఉంటుంది. రుణదాత ఆ మొత్తాన్ని వసూలు చేస్తారు లేదా బకాయిని థర్డ్‌ పార్టీ కలెక్టింగ్ ఏజెన్సీలకు వెళ్ళించి, మీ ఖాతాను కలెక్ట్ చేస్తారు.
Details
చార్జ్-ఆఫ్‌ వల్ల ఏం జరుగుతుంది?
క్రెడిట్ స్కోర్ తీవ్రంగా ప్రభావితం అవుతుంది. ఎందుకంటే పేమెంట్ హిస్టరీ సిబిల్‌ స్కోరులో ప్రధాన అంశంగా పరిగణించబడుతుంది. రుణదాతలు దీన్ని అధిక రిస్క్‌ రుణాల సంకేతంగా చూస్తారు. కొత్త లోన్లు, క్రెడిట్ కార్డులు పొందడం కష్టతరం అవుతుంది. అప్పు లభించినా ఎక్కువ వడ్డీ రేట్లు, తక్కువ రుణ కాల వ్యవధి వంటి సమస్యలు ఎదురవుతాయి.
Details
చార్జ్-ఆఫ్‌ ఎంట్రీ క్రెడిట్ ప్రొఫైల్‌లో ఎంతకాలం ఉంటుంది?
సాధారణంగా, చార్జ్-ఆఫ్‌ 7 ఏళ్ల పాటు క్రెడిట్ రిపోర్ట్‌లో ఉంటుంది. మొదటి పేమెంట్ మిస్‌ అయిన తేదీ నుండి ఇది ప్రారంభమవుతుంది. మీరు తర్వాత బకాయిని తీర్చినా, ఎంట్రీ పూర్తిగా తొలగదు. అయితే, అది 'paid' లేదా 'settled'గా అప్‌డేట్‌ అవుతుంది. చార్జ్-ఆఫ్‌ తప్పుగా నమోదైతే, మాత్రమే రికార్డుల నుంచి తొలగించవచ్చు. ఉదాహరణకు, తప్పు తేదీ, తప్పు మొత్తం, తప్పు ఖాతా నంబర్‌ వంటి పరిస్థితుల్లో క్రెడిట్ బ్యూరో వద్ద కంప్లయింట్‌ పెట్టి ఎంట్రీని తొలగించవచ్చు.
Details
చార్జ్-ఆఫ్‌ తర్వాత జాగ్రత్తలు
ఉన్న బకాయిలను ఎప్పటికప్పుడు క్లియర్‌ చేయాలి. భవిష్యత్‌లో ప్రతి EMI, క్రెడిట్ కార్డు బిల్లును సమయానికి చెల్లించాలి. క్రెడిట్ కార్డు వినియోగం 30 శాతం లోపు ఉండేలా చూసుకోవాలి. క్రెడిట్ రిపోర్ట్‌ను క్రమం తప్పకుండా తనిఖీ చేయాలి. లోపాలు కనబడితే, వెంటనే సంబంధిత అధికారులను సంప్రదించి సరిచేయించుకోవాలి.