Flash Pay: కాంటాక్ట్‌లెస్ చెల్లింపుల కోసం ఫెడరల్ బ్యాంక్ 'ఫ్లాష్ పే'
ఫెడరల్ బ్యాంక్ ఫ్లాష్ పే పేరుతో రూపే స్మార్ట్ కీ చైన్‌ను తీసుకొచ్చింది. NCMC సాంకేతికతతో తయారైన ఈ స్మార్ట్ కీ చైన్‌తో కాంటాక్ట్‌ లెస్‌ చెల్లింపులు చేయొచ్చు. కస్టమర్‌లు పిన్ లేకుండా కాంటాక్ట్‌లెస్ లావాదేవీలను రూ.5000 వరకు పేమెంట్లు చేయొచ్చు. ఆపై మొత్తానికి పిన్ ఎంటర్ చేయాల్సి ఉంటుంది. ఏదైనా POS టెర్మినల్‌లో రోజువారీ లావాదేవీ పరిమితి ₹1,00,000గా సెట్ చేయబడింది. ఎన్‌పీసీఐతో కలిసి దీన్ని తీసుకొచ్చినట్లు తెలిపింది. ఈ స్మార్ట్ కీ చైన్ వినియోగదారులను NCMC-ప్రారంభించబడిన మెట్రో స్టేషన్‌లలో కాంటాక్ట్‌లెస్ చెల్లింపులు చేయచ్చు. మెట్రో స్టేషన్‌లకు నిర్దిష్ట టిక్కెట్లు లేదా కార్డ్‌లను కొనుగోలు చేయడానికి లైన్‌లో వేచి ఉండాల్సిన అవసరం లేదు.
ఈ కీ చైన్ ఎలా తీసుకోవచ్చంటే..
ఫెడరల్ బ్యాంక్ లో సేవింగ్స్/ కరెంట్‌ ఖాతా ఉన్నవారు నెట్‌ బ్యాంకింగ్‌లోకి వెళ్లి ఈ స్మార్ట్ కీ చైన్ కోసం అప్ప్లై చేసుకోవాలి. ఫెడరల్ బ్యాంక్ మొబైల్‌ యాప్‌, నెట్‌ బ్యాంకింగ్‌, ఐవీఆర్ కాలింగ్‌ ద్వారా పిన్ సెట్ చేసుకోవచ్చు. ఎప్పుడైనా బ్లాక్‌/అన్‌బ్లాక్‌ చేసుకోవచ్చు. డెబిట్ కార్డు లాగానే బ్యాంక్ ఈ స్మార్ట్ కీ చైన్ ధరను రూ.499గా నిర్ణయించింది. ఆ తర్వాత ఏడాదికి రూ.199+tax చొప్పున ఛార్జి చేస్తారు. టెర్మినల్‌కు 3-4 సెంటీమీటర్ల దూరం పేమెంట్లు చేయొచ్చు. రోజులో ఐదు లావాదేవీలకు అనుమతిస్తారు.
