Gold Rate Today: పసిడి ధరల్లో తగ్గుదల.. కొనుగోలుదారులకు ఊరట.. ఏప్రిల్ 7వ తేదీ గోల్డ్‌ రేట్స్‌ ఎలా ఉన్నాయంటే..

వ్రాసిన వారు Sirish Praharaju

Apr 07, 2026

10:28 am

ఈ వార్తాకథనం ఏంటి

ఏప్రిల్ 7, 2026 నాటికి బంగారం ధరలు గతంలో నమోదైన ఆల్ టైమ్ గరిష్ట స్థాయిల నుంచి కొద్దిగా తగ్గుముఖం పట్టాయి. ఇది పసిడి కొనుగోలుదారులకు కొంత ఉపశమనం కలిగించే పరిణామంగా చెప్పుకోవచ్చు. ప్రపంచ మార్కెట్లలో డాలర్ బలపడటం వల్ల బంగారం ధరలపై ఒత్తిడి పెరిగి, ధరలు స్వల్పంగా తగ్గుతున్నాయి. ముఖ్యంగా అమెరికా ఫెడరల్ రిజర్వ్ తీసుకునే ఆర్థిక విధాన నిర్ణయాలు బంగారం ధరలపై ప్రత్యక్ష ప్రభావం చూపుతున్నాయి. ఇక దేశీయంగా పెళ్లిళ్ల సీజన్ ముగియడం లేదా డిమాండ్ తగ్గడం కూడా ధరలు నియంత్రణలో ఉండటానికి కారణమవుతోంది. ఈ కారణాల సమ్మేళనంతో బంగారం మార్కెట్‌లో కొంత స్థిరత్వం కనిపిస్తోంది.

వివరాలు

డాలర్ మారక విలువల్లో మార్పులు వంటి అంశాలు ధరల హెచ్చుతగ్గులకు కారణం

ఇదిలా ఉంటే, నేడు మార్కెట్‌లో బంగారం ధరలు స్వల్ప తగ్గుదలతోనే కొనసాగుతున్నాయి. గత ఏడాది కాలంలో పసిడి ధరలు గణనీయంగా పెరిగినా, ప్రస్తుతం ఆల్ టైమ్ గరిష్టంతో పోలిస్తే సుమారు రూ.35,000 నుండి రూ.40,000 వరకు తక్కువగా ట్రేడవుతున్నాయి. అంతర్జాతీయ మార్కెట్ పరిణామాలు, డాలర్ మారక విలువల్లో మార్పులు వంటి అంశాలు ధరల హెచ్చుతగ్గులకు కారణమవుతున్నాయి. ప్రస్తుతం దేశంలో మళ్లీ పెళ్లిళ్ల సీజన్ సమీపిస్తున్న నేపథ్యంలో, ధరలు తగ్గిన సమయంలో బంగారం కొనుగోలు చేయడం మంచిదని నిపుణులు సూచిస్తున్నారు. ఈ సమయంలో పెట్టుబడిదారులు కూడా మార్కెట్‌ను గమనిస్తూ నిర్ణయాలు తీసుకోవాలని సూచనలు వెలువడుతున్నాయి. నేటి బంగారం ధరలు (సూచనాత్మకంగా): హైదరాబాద్ సహా దేశంలోని ప్రధాన నగరాల్లో తాజా ధరలు ఈ విధంగా ఉన్నాయి.

వివరాలు

ప్రధాన నగరాల్లో తాజా ధరలు

చెన్నైలో బంగారం ధర 24 క్యారెట్లు రూ.1,52,630, 22క్యారెట్లు రూ.1,39,910గా ఉంది. ముంబైలో బంగారం ధర 24క్యారెట్లు రూ.1,50,650 , రూ.1,38,090గా ఉంది. ఢిల్లీలో బంగారం ధర 24క్యారెట్లు రూ.1,50,800, 22 క్యారెట్లు రూ.1,38,240లుగా ఉంది. కోల్‌కతాలో బంగారం ధర 24క్యారెట్లు రూ.1,50,650, 22 క్యారెట్లు రూ.1,38,090గా ఉంది. బెంగళూరులో బంగారం ధర 24క్యారెట్లు రూ.1,50,650, 22క్యారెట్లు రూ.1,38,090గా ఉంది. హైదరాబాద్‌లో బంగారం ధర 24క్యారెట్లు రూ.1,50,650, 22 క్యారెట్లు రూ.1,38,090గా ఉంది. అటు, విజయవాడ, విశాఖపట్టణంలో బంగారం ధర 24క్యారెట్లు రూ.1,49,120, 22 క్యారెట్లు రూ.1,36,690గా ఉంది.

వివరాలు

వెండి ధర

ఇక వెండి విషయానికి వస్తే హైదరాబాద్ లో కిలో వెండి ధర రూ. 2,60,100.లుగా ఉంది. ఉదయం 7గంటల లోపు అందిన సమాచారం మేరకు మాత్రమే ఈ వివరాలు అందించబడ్డాయి. మార్కెట్ ప్రారంభం తర్వాత ధరల్లో మార్పులు ఉండే అవకాశం ఉంటుంది. ఒకవేళ మీకు బంగారం, వెండి ధరల లేటెస్ట్ అప్‌డేట్ గురించి తెలుసుకోవాలంటే ఈ మొబైల్ నెంబర్‌కు 8955664433కు మిస్డ్ కాల్ ఇవ్వవచ్చు.