Google: టెక్‌ దిగ్గజం గూగుల్ లో మళ్లీ లేఆఫ్‌లు!
ఈ వార్తాకథనం ఏంటి
వ్యయ నియంత్రణ చర్యలను కొనసాగిస్తున్న అంతర్జాతీయ టెక్‌ దిగ్గజం గూగుల్ తాజాగా మరోసారి ఉద్యోగులను తొలగించేందుకు సిద్ధమవుతోంది. ఇందులో భాగంగా సంస్థ లోపల ఉన్న వివిధ విభాగాల్లో కొంతమంది సిబ్బందిపై తొలగింపుల ప్రక్రియ అమలయ్యే అవకాశముందని తెలుస్తోంది. గూగుల్ సెర్చ్, ప్రకటనలు, పరిశోధన, ఇంజినీరింగ్‌ విభాగాల్లో ఉద్యోగుల తొలగింపులపై దృష్టి సారించిందని వాల్‌ స్ట్రీట్‌ జర్నల్‌ పేర్కొంది. అయితే, ఎంతమంది ఉద్యోగులను తొలగించనున్నారన్న దానిపై కంపెనీ నుంచి స్పష్టత లభించలేదు. ఈ నేపథ్యంలో గూగుల్ అధికార ప్రతినిధి కొర్టెనే మెన్సి స్పందిస్తూ.. ''ఈ సంవత్సరం ప్రారంభంలోనే అమెరికాలోని గూగుల్ ఉద్యోగుల కోసం స్వచ్ఛంద పదవీ విరమణ కార్యక్రమాన్ని ప్రవేశపెట్టాం. ఇప్పుడు మరిన్ని ఉద్యోగులను తొలగించేందుకు సంస్థ సిద్ధమవుతోంది'' అని తెలిపారు.
వివరాలు
2023లో12,000 మంది తొలగింపు
గూగుల్ గత రెండేళ్లుగా ఉద్యోగుల సంఖ్యను తగ్గించేందుకు చర్యలు తీసుకుంటోంది. 2023లో సంస్థ ఒకేసారి 12,000 మందిని ఉద్యోగాల నుంచి తొలగించిన విషయం తెలిసిందే. కరోనా కాలంలో ఆన్‌లైన్‌ సేవలకు గణనీయమైన డిమాండ్‌ ఏర్పడటంతో గూగుల్ భారీగా నియామకాలు చేపట్టింది. అయితే, ఆ తరువాత సేవల వృద్ధి తగ్గిన సమయంలో సంస్థ వ్యయాలను తగ్గించేందుకు ఉద్యోగులను తొలగించడంపై దృష్టి పెట్టింది.