Amul products: అమూల్ ఉత్పత్తులపై భారీగా ధర తగ్గింపు
ఈ వార్తాకథనం ఏంటి
గుజరాత్‌ కోఆపరేటివ్‌ మిల్క్‌ మార్కెటింగ్‌ ఫెడరేషన్‌ (జీసీఎంఎంఎఫ్‌) తన ప్రసిద్ధ 'అమూల్ బ్రాండ్‌ డెయిరీ ఉత్పత్తుల' ధరలను ఈ నెల 22 నుండి తగ్గించబోతున్నట్టు ప్రకటించింది. ఈ నిర్ణయం జీఎస్‌టీ కోత ప్రయోజనాన్ని నేరుగా వినియోగదారులకు అందించాలనే ఉద్దేశంతో తీసుకున్నట్టు సంస్థ పేర్కొంది. ఈ తగ్గింపులో నెయ్యి, బట్టర్‌ ఐస్‌క్రీమ్, యూహెచ్‌టీ పాలు, ఐస్‌క్రీమ్, వెన్న, పన్నీర్, చాక్లెట్లు, బేకరీ ఉత్పత్తులు, ఫ్రోజన్ స్నాక్స్, పొటాటో స్నాక్స్, పీనట్ స్ప్రెడ్, మాల్ట్ ఆధారిత డ్రింక్స్ వంటి 700కి పైగా ఉత్పత్తులున్నాయి.
Details
కొన్ని ముఖ్యమైన ధరల వివరాలు ఇలా ఉన్నాయి
100 గ్రాముల వెన్న: ₹62 నుండి ₹58 లీటరుకు నెయ్యి: ₹40 తగ్గి ₹610 అమూల్ ప్రాసెస్డ్ వెన్న బ్లాక్ (కిలో): ₹30 తగ్గి ₹545 ఫ్రోజన్ పన్నీర్ (200 గ్రాములు): ₹99 నుంచి ₹95 జీసీఎంఎంఎఫ్‌ తెలిపిన విధంగా, వినియోగదారులకు నేరుగా లాభం కలిగేలా, వాటి అన్ని ప్రముఖ డెయిరీ ఉత్పత్తుల ధరల్లో ఈ తగ్గింపులు అమలు కానున్నాయి.