Smart City Mission: పదేళ్లలో స్మార్ట్‌ సిటీలకు రూ.1.5 లక్షల కోట్లు ఖర్చు చేసిన భారత్‌
ఈ వార్తాకథనం ఏంటి
ప్రధానమంత్రి నరేంద్ర మోదీ ప్రారంభించిన స్మార్ట్‌ సిటీ మిషన్‌కు ఈ నెలతో 10 ఏళ్లు పూర్తయ్యాయి.
2015 జూన్‌లో మొదలైన ఈ ప్రతిష్టాత్మక పథకంలో ఇప్పటివరకు రూ.1.5 లక్షల కోట్లకుపైగా వ్యయం చేసి 7,504 ప్రాజెక్టులు పూర్తి చేసినట్టు ఏప్రిల్ 11, 2025 నాటికి గణాంకాలు తెలిపాయి.
ఇది మొత్తం ప్రణాళికలో ఉన్న ప్రాజెక్టుల 94 శాతం. మరోవైపు, రూ. 13,142 కోట్ల విలువైన పనులు ప్రస్తుతం ప్రగతిలో ఉన్నాయి.
ఈ పథకానికి కేంద్రమంత్రి స్థాయిలో ఆర్థిక సహాయంగా ఐదు సంవత్సరాల కాలానికి రూ.48,000 కోట్లు కేటాయించారు.
ప్రతి నగరానికి సంవత్సరానికి సగటున రూ.100 కోట్లు చొప్పున నిధులు కేటాయించారు. అదే విధంగా రాష్ట్రాలు కూడా అంతే మొత్తాన్ని వెచ్చించాల్సి ఉంది.
Details
మూడు రాష్ట్రాల ఖాతాలో మూడింటొకటి వ్యయం
ఈ ప్రాజెక్ట్‌లో ఇప్పటి వరకు 92 శాతం ఖర్చు 21 ప్రధాన రాష్ట్రాల్లోనే జరిగడం విశేషం.
వీటిలో ఉత్తరప్రదేశ్, తమిళనాడు, మహారాష్ట్ర రాష్ట్రాలు అత్యధికంగా ఖర్చు చేసిన రాష్ట్రాలుగా నిలిచాయి.
ఈ మూడు రాష్ట్రాల ఖాతాలో మొత్తం వ్యయంతో పోల్చితే దాదాపు మూడింటొకటి ఉంది. ఈ గణాంకాలను SBI రీసెర్చ్ వెల్లడించింది.
Details
టాప్‌ 25 నగరాల్లో 31 శాతం ఖర్చు
ఇప్పటివరకు ఖర్చైన మొత్తంలో రూ.51,725 కోట్లు (31 శాతం) మొత్తం టాప్‌ 25 నగరాల్లో మాత్రమే ఖర్చైంది.
వాటిలో వారణాసి (ఉత్తరప్రదేశ్), న్యూటౌన్‌ (పశ్చిమ బెంగాల్), శ్రీనగర్‌ (జమ్మూ కాశ్మీర్), రాయ్‌పూర్‌ (ఛత్తీస్‌గఢ్), ఇన్దోర్‌ (మధ్యప్రదేశ్‌) వంటి నగరాలు ఉన్నాయి.
మౌలిక వసతులపైనే అధిక దృష్టి
మొత్తం ఖర్చులో సగానికి పైగా మొబిలిటీ (రవాణా), వాటర్ అండ్ సానిటేషన్ (నీటి సరఫరా, పారిశుధ్యం) వంటి మౌలిక వసతుల అభివృద్ధిపైనే వెచ్చించారు.
ఈ రంగాల్లో 3,000 కంటే ఎక్కువ ప్రాజెక్టులు అమలయ్యాయి.
స్మార్ట్‌ సిటీ మిషన్ ద్వారా నగరాలను స్మార్ట్‌గా మార్చేందుకు కేంద్రం రాష్ట్రాలకు సరిపడా నిధులతో మద్దతు ఇస్తూ, మౌలిక వసతుల అభివృద్ధికి పెద్దపీట వేస్తున్నట్లు అధికారులు పేర్కొంటున్నారు.