US Trade deal: ఇండియా మార్కెట్‌పై అమెరికా కన్ను.. అమెజాన్, ఫ్లిప్‌కార్ట్‌కి మద్దతుగా ఒత్తిడి
ఈ వార్తాకథనం ఏంటి
భారతదేశంలో వేగంగా పెరుగుతున్న ఈ కామర్స్ మార్కెట్‌ (దాదాపు 125 బిలియన్ డాలర్ల) పట్ల అమెరికా గట్టిగా దృష్టిసారించింది.
తమ కంపెనీల పట్టు బలోపేతం చేయాలని అమెరికా ఒత్తిడి తెస్తోందని ఫైనాన్షియల్ టైమ్స్ నివేదిక వెల్లడించింది.
ప్రస్తుతం న్యూఢిల్లీకి విధించిన 26 శాతం సుంకాలకు సంబంధించి చర్చలు సాగుతుండగా, ఈ సందర్భంలో ఈకామర్స్ రంగం కూడా చర్చకు వచ్చింది.
భారత్-అమెరికా వాణిజ్య ఒప్పందం కోసం జరుగుతున్న వివిధ స్థాయి సదస్సుల్లో ఈకామర్స్ రంగంలోని అన్ని సంస్థలకు సమాన అవకాశాలు, సమర్థవంతమైన వాణిజ్య పరిసరాల కల్పనపై చర్చలు జరిగాయి.
తాజాగా భారత్ పర్యటనలో ఉన్న అమెరికా ఉపాధ్యక్షుడు జేడీ వాన్స్ మాట్లాడుతూ ఇరుదేశాల ప్రయోజనాలను సమపాళ్లలో రక్షించే దిశగా చర్చలు సాగుతున్నాయి.
Details
ఈ కామర్స్ సంస్థలపై విధిస్తున్న నిబంధనలపై స్పందన
ఇంధన, రక్షణ, వ్యూహాత్మక టెక్నాలజీల పరంగా సహకారం మరింత బలపడుతుందన్నారు.
ఈ నేపథ్యంలో వాల్‌మార్ట్‌ సీఈఓ మెక్‌మిలన్ గతంలో అమెరికా అధ్యక్షుడు డొనాల్డ్ ట్రంప్‌ను కలిసి, భారత్‌లోని ఈకామర్స్ సంస్థలపై విధిస్తున్న నిబంధనలపై స్పందించారు.
వాల్‌మార్ట్‌కి చెందిన ఫ్లిప్‌కార్ట్‌, భారత్‌లో గట్టి పోటీని ఎదుర్కొంటోంది. ప్రైస్ ఓపెన్ విధానాన్ని అమలు చేయాలని అమెరికా ప్రభుత్వం కోరుతోంది.
ఫ్లిప్‌కార్ట్‌, అమెజాన్ సంస్థలు రిలయన్స్‌తో పోటీపడతాయన్న ఆశతో అమెరికా భావిస్తోంది.
భారత్‌లో అమల్లో ఉన్న నిబంధనల ప్రకారం విదేశీ ఈకామర్స్ సంస్థలు సొంతంగా ఉత్పత్తి చేసిన వస్తువులు కాకుండా ఇతరుల వస్తువులనే విక్రయించాలి.
కానీ దేశీయ కంపెనీలు మాత్రం తాము తయారుచేసిన ఉత్పత్తులను తమే అమ్ముకోవచ్చు.
Details
భారత ప్రభుత్వం నుండి తీవ్రమైన ప్రతిఘటన
ఈ విధానం టారీఫేతర అడ్డంకిగా మారిందని అమెరికా ఆరోపిస్తోంది. విదేశీ ప్రత్యక్ష పెట్టుబడులపై ఉన్న పరిమితులు అమెరికాకు ఇబ్బందిగా మారాయి.
2006 నుంచే అమెరికా తమ కంపెనీలకు భారత మార్కెట్‌ను తెరుచుకోవాలని యత్నిస్తున్నా, భారత ప్రభుత్వం నుండి తీవ్రమైన ప్రతిఘటనను ఎదుర్కొంటోంది.
అంతేకాదు విదేశీ ఈకామర్స్ వేదికలు తరచూ బ్యూరో ఆఫ్ ఇండియన్ స్టాండర్డ్స్‌ తనిఖీలకు లక్ష్యంగా మారుతున్నాయని కంపెనీలు ఆరోపిస్తున్నాయి.
ఈ నేపథ్యంలో భారత్‌తో చర్చల సందర్భంలో అమెరికా విదేశీ సంస్థల ప్రయోజనాలకే కాక, స్థానిక రిటైల్ వ్యాపారులకు తగిన రక్షణ కల్పించాలన్న దృష్టితో జాగ్రత్తగా వ్యవహరిస్తోందని వర్గాలు వెల్లడించాయి.
Details
చిరు వ్యాపారులను నష్టపరిచేలా ఉండకూడదు
ఆల్ ఇండియా ట్రేడర్స్ కన్ఫెడరేషన్ కార్యదర్శి ప్రవీణ్ ఖండేల్‌వాల్ స్పందిస్తూ విదేశీ పెట్టుబడులు అవసరమే కానీ, వాటి పేరిట దేశీయ రిటైల్ మార్కెట్‌ను ఏకంగా మార్చడం, చిరు వ్యాపారుల ప్రయోజనాలను నష్టపరిచేలా ఉండకూడదని అన్నారు.
ఈ నేపథ్యంలో అమెజాన్ ఇండియా 2013లో ప్రవేశించినప్పటి నుంచి తన పట్టు బలోపేతం చేసుకుంటూ వస్తోంది.
ప్రస్తుతం అమెజాన్‌కు 40 మిలియన్ డైలీ యాక్టివ్ యూజర్లు ఉండగా ఫ్లిప్‌కార్ట్‌కు 50 మిలియన్ యూజర్లు ఉన్నట్లు సమాచారం. దీంతో దేశీయ ఈకామర్స్ పోటీ మరింత రగిలే అవకాశాలున్నాయి.