Forex Reserves: వరుసగా ఆరోవారం 156 బిలియన్లు పెరిగిన భారత విదేశీ మారక నిల్వలు
ఈ వార్తాకథనం ఏంటి
ఈ ఏప్రిల్ 11తో ముగిసిన వారంలో దేశ విదేశీ మారక ద్రవ్య నిల్వల్లో వృద్ధి కొనసాగింది.
ఈ సమయంలో భారత్‌ ఫారెక్స్‌ రిజర్వులు 1.567 బిలియన్ డాలర్ల పెరుగుదలతో మొత్తం 677.835 బిలియన్ డాలర్లకు చేరాయి.
ఈ పెరుగుదలతో కలిపి వరుసగా ఆరో వారం దేశ విదేశీ మారక నిల్వలు పెరుగుతున్నాయనేది భారత రిజర్వ్‌ బ్యాంక్‌ (ఆర్‌బీఐ)విడుదల చేసిన తాజా గణాంకాల్లో పేర్కొన్నారు.
అంతకుముందు వారం,అంటే ఏప్రిల్ 4తో ముగిసిన వారంలో ఫారెక్స్‌ నిల్వలు 10.872 బిలియన్ డాలర్ల పెరుగుదలతో 676.268 బిలియన్ డాలర్లను తాకినట్లు రికార్డు అయింది.
ఇక 2024 సెప్టెంబరులో భారత్‌ వద్ద ఉన్న ఫారెక్స్‌ నిల్వలు 704.885 బిలియన్ డాలర్లతో చరిత్రాత్మక గరిష్ఠ స్థాయిని నమోదు చేసుకున్నాయి.
వివరాలు
భారత్‌ రిజర్వ్‌ పొజిషన్‌ 4.502 బిలియన్ డాలర్లకు..
ఆర్‌బీఐ వివరాల ప్రకారం,విదేశీ మారక నిల్వల్లో ప్రధానమైన భాగమైన విదేశీ కరెన్సీ ఆస్తులు ఏప్రిల్ 11తో ముగిసిన వారంలో 892మిలియన్ డాలర్ల మేర పెరిగి 574.98బిలియన్ డాలర్లకు చేరుకున్నాయి.
యూరో,పౌండ్,యెన్ వంటివి వంటి యూఎస్‌యేతర కరెన్సీల మార్పుల ప్రభావంఈ ఆస్తుల విలువపై కనిపించే అవకాశముందని ఆర్‌బీఐ తెలిపింది.
ఇక బంగారు నిల్వలు కూడా అదే వారం 638 మిలియన్ డాలర్ల మేర పెరిగి 79.997బిలియన్ డాలర్లకు చేరాయని గణాంకాలు స్పష్టం చేస్తున్నాయి.
స్పెషల్ డ్రాయింగ్ రైట్స్‌ (SDRs)మాత్రం 60 మిలియన్ డాలర్ల మేర తగ్గి 18.356 బిలియన్ డాలర్లకు చేరుకున్నాయి.
అంతర్జాతీయ ద్రవ్యనిధి సంస్థ (IMF)వద్ద భారత్‌ రిజర్వ్‌ పొజిషన్‌ 43 మిలియన్ డాలర్ల పెరుగుదలతో 4.502 బిలియన్ డాలర్లకు చేరినట్లు సమాచారం.