Jio: జియో రూ.34 వేల కోట్ల ఐపీవోకు రంగం సిద్ధం.. మరికొన్ని రోజుల్లో దరఖాస్తు!
ఈ వార్తాకథనం ఏంటి
రిలయన్స్ జియో ఇన్ఫోకామ్ సుమారు 4 బిలియన్ డాలర్ల (దాదాపు రూ.34 వేల కోట్లు) విలువైన ప్రారంభ పబ్లిక్ ఆఫర్ (ఐపీవో) కోసం మరికొన్ని రోజుల్లో ముసాయిదా పత్రాలను దాఖలు చేయనున్నట్లు అంతర్జాతీయ మీడియా సంస్థలు వెల్లడించాయి. జూన్ 19న జరగనున్న రిలయన్స్ ఇండస్ట్రీస్ వార్షిక సర్వసభ్య సమావేశం (ఏజీఎం)కు ముందే ఈ ప్రక్రియ పూర్తయ్యే అవకాశాలు ఉన్నట్లు సమాచారం.
వివరాలు
అంబానీ లక్ష్యానికి ఆలస్యం
గత ఏడాది రిలయన్స్ ఇండస్ట్రీస్ చైర్మన్ ముకేష్ అంబానీ జియోను 2026 తొలి అర్ధభాగంలో స్టాక్ మార్కెట్లో లిస్టింగ్ చేయనున్నట్లు ప్రకటించారు. అయితే, రిలయన్స్కు ఈ ఏడాది ఎదురైన వ్యాపార సవాళ్లు, మార్కెట్ పరిస్థితుల కారణంగా ఆ లక్ష్యం ఆలస్యమయ్యే అవకాశం కనిపిస్తోంది. 2026లో రిలయన్స్ ఇండస్ట్రీస్ షేర్లు దాదాపు 15 శాతం వరకు క్షీణించాయి. అలాగే జనవరి-మార్చి త్రైమాసికంలో కంపెనీ నికర లాభం గత ఏడాదితో పోలిస్తే 13 శాతం తగ్గింది. గల్ఫ్ ప్రాంతంలో నెలకొన్న భౌగోళిక ఉద్రిక్తతల కారణంగా కంపెనీ ప్రధాన రిఫైనింగ్ వ్యాపారం ప్రభావితమవడం ఇందుకు ప్రధాన కారణంగా చెబుతున్నారు.
వివరాలు
ఫోన్పే లిస్టింగ్కూ బ్రేక్
అమెరికా-ఇరాన్ మధ్య కొనసాగుతున్న యుద్ధ పరిస్థితులు ప్రపంచ మార్కెట్లతో పాటు భారత ఈక్విటీ మార్కెట్లపైనా ప్రభావం చూపుతున్నాయి. ఈ అనిశ్చిత పరిస్థితుల వల్ల జియో ఐపీవో ప్రక్రియ కూడా ఆశించిన వేగంతో ముందుకు సాగడం లేదని మార్కెట్ వర్గాలు అంచనా వేస్తున్నాయి. జియో మాత్రమే కాదు, ఇతర పెద్ద కంపెనీల లిస్టింగ్ ప్రణాళికలపైనా ఈ భౌగోళిక ఉద్రిక్తతల ప్రభావం పడుతోంది. వాల్మార్ట్కు చెందిన ఫోన్పే కూడా మార్కెట్ అనిశ్చితి కారణంగా తన ఐపీవో ప్రణాళికలను తాత్కాలికంగా వాయిదా వేసినట్లు సమాచారం.
వివరాలు
భారత్పై చమురు ప్రభావం
భారత్ తన చమురు అవసరాల్లో 90 శాతానికి పైగా దిగుమతులపైనే ఆధారపడుతోంది. అమెరికా-ఇరాన్ ఉద్రిక్తతలతో చమురు సరఫరాపై ఆందోళనలు పెరగడం,ధరల్లో హెచ్చుతగ్గులు చోటుచేసుకోవడం దేశ ఆర్థిక వ్యవస్థతో పాటు స్టాక్ మార్కెట్లపై కూడా ప్రభావం చూపుతున్నాయని ఆర్థిక నిపుణులు పేర్కొంటున్నారు.