ఇక ట్విట్టర్‌లో డబ్బులు సంపాదించే అవకాశం.. ఎలాగంటే!
గూగుల్, యూట్యూబ్, ఫేస్‌ బుక్ మాత్రమే కాదు, ఇక నుంచి ట్విట్టర్‌లో కూడా డబ్బులు సంపాదించవచ్చు. ట్విట్టర్ యాడ్ రెవెన్యూలో కొంత భాగాన్ని క్రియేటర్లకు ఇవ్వాలనే ఆలోచన చేస్తున్నట్లు యాజమాన్యం ప్రకటించింది. మానిటరీ పాలసీకి సంబంధించి క్రియేటర్స్, కంటెంట్ క్రియేటర్స్‌కు మైక్రో బ్లాగింగ్ ప్లాట్‌ఫామ్ ట్విట్టర్ గుడ్‌న్యూస్ చెప్పింది. క్రియేటర్ యాడ్స్ రెవెన్యూషేరింగ్ అనే ఈ ప్రోగ్రామ్ ద్వారా క్రియేటర్లకు డబ్బులు చెల్లిస్తామని పేర్కొంది. ప్రస్తుతం ట్విట్టర్‌కు పోటీగా వచ్చిన థ్రెడ్ వారం రోజుల్లోనే 10 కోట్ల మంది ఫాలోవర్స్ ను తెచ్చుకుంది. దీంతో వినియోగదారులు ట్విట్టర్ వైపు వెళ్లకుండా బంపరాఫర్‌ను ప్రకటించింది. అయితే ట్విట్టర్ యాడ్స్ నుంచి డబ్బులు సంపాదించేందుకు క్రియేటర్స్ కొన్ని రిక్వైర్‌మెంట్స్‌ను రీచ్ కావాల్సి ఉంటుంది.
ప్రకటన, ఇంప్రెషన్ ల సంఖ్య ఆధారంగా ఆమౌంట్
ట్విట్టర్ ఫ్లాట్‌ఫాంలో గత 3 నెలల్లో ప్రతి నెలా కనీసం 50లక్షల ట్విట్ ఇంప్రెషన్లు పొందాల్సి ఉంటుంది. ముఖ్యంగా స్ట్రెప్ పేమెంట్ అకౌంట్‌ను కూడా కలిగి ఉండాలి. ఈ అర్హతలు పొందిన తర్వాత పొగ్రామ్ లో చేరేందుకు అప్రూవల్ పొందాక క్రియేటర్లు ట్విట్ లలోని రిప్లైలలో డిస్ ప్లే అయ్యే యాడ్స్ నుంచి వచ్చే ఆదాయంలో వాటాను పొందే అవకాశం ఉంటుంది. అదే విధంగా ప్రకటన రకం, ఇంప్రెషన్‌ల సంఖ్య, ఎంగేజ్ మెంట్ రేటు తో సహా అనేక అంశాల ఆధారంగా వారికి ఎంత ధరను చెల్లించాలన్నది కంపెనీ నిర్ణయిస్తుంది. ఈ ప్రొగ్రామ్ ప్రస్తుతం బీటా టెస్టింగ్ లో దశలో ఉంది. కొన్ని నెలల్లో మరింతమంది క్రియేటర్లకు రిలీజ్ కానుంది.
