FICO Survey: రూ.50,000లోపు పోగొట్టుకున్న వారే ఎక్కువ.. 'రియల్ టైం' మోసాలపై ఫికో నివేదిక
ఈ వార్తాకథనం ఏంటి
రియల్ టైమ్ చెల్లింపుల (ఆర్‌టీపీ) సమయంలో మోసాలకు గురై డబ్బులు కోల్పోయినట్లు 33% మందికి పైగా ఒక సర్వేలో వెల్లడించారు.
ఇది దేశంలో రియల్ టైమ్ చెల్లింపుల వ్యవస్థలో మోసాల ముప్పు పెరుగుతోందని సూచిస్తుంది.
ఈ సర్వేను అంతర్జాతీయ అనలిటిక్స్ సాఫ్ట్‌వేర్ సంస్థ ఫికో 2024లో నిర్వహించింది.
ఇందులో భారతదేశానికి చెందిన 1,000 మంది సహా, 14 దేశాల నుంచి మొత్తం 11,000 మంది వినియోగదారులు పాల్గొన్నారు.
ఫికో ఆసియా మేనేజింగ్ డైరెక్టర్ దత్తు కొంపెల్ల మాట్లాడుతూ, రియల్ టైమ్ చెల్లింపులు భవిష్యత్తులో మరింత పెరుగుతాయని, అలాగే వినియోగదారులు, వ్యాపారులు, ప్రభుత్వ రంగ సంస్థల మధ్య మరిన్ని లావాదేవీలు జరుగవచ్చని చెప్పారు.
వివరాలు
సర్వే నివేదిక వివరాలు ఇలా..
స్కామర్ల ద్వారా వచ్చే సందేశాల వల్ల మోసాలకు గురయ్యే అవకాశాలు అధికమని 60% మంది తెలిపారు.
ఈ విధంగా తమ స్నేహితులు లేదా కుటుంబ సభ్యులు డబ్బులు పోగొట్టుకున్నట్లు 54% మంది వెల్లడించారు.
తమకు సరఫరా కాని వస్తువులు లేదా సేవలకు చెల్లింపులు చేసినట్లు 34% మంది తెలిపారు.
2023తో పోలిస్తే 2024లో మోసాలపై ఫిర్యాదు చేసిన భారత వినియోగదార్ల సంఖ్య తగ్గినప్పటికీ, పెద్ద మొత్తంలో (₹8 లక్షలకు పైగా) నష్టపోయిన వారి సంఖ్య 2% నుంచి 4% కు పెరిగింది.
వివరాలు
సర్వే నివేదిక వివరాలు ఇలా..
₹50,000 లోపు నష్టపోయిన వారి శాతం 56%గా ఉంది. అయితే, ఈ మొత్తం తక్కువగానే కనిపించినా, చాలా కుటుంబాలపై తీవ్రమైన ఆర్థిక ప్రభావం చూపిస్తోందని నివేదిక పేర్కొంది.
45% మంది అభిప్రాయం ప్రకారం, వినియోగదారులను మోసాల బారినుంచి కాపాడేందుకు బ్యాంకులు మోసాల గుర్తింపు వ్యవస్థలను మెరుగుపరచడం చాలా అవసరం.