Pine Labs Listing: పైన్‌ల్యాబ్స్‌ లిస్టింగ్.. 28% లాభంతో ట్రేడ్!
ఈ వార్తాకథనం ఏంటి
ఫిన్‌టెక్‌ రంగంలో పరిచయమైన పైన్‌ల్యాబ్స్‌ కంపెనీ మోస్తరు ప్రీమియంతో స్టాక్ మార్కెట్‌లోకి ఎంట్రీ ఇచ్చింది. ఈ స్టాక్, ఇష్యూ ధర రూ.221తో పోలిస్తే 9.5 శాతం ప్రీమియంతో బీఎస్‌ఈ, ఎన్‌ఎస్‌ఈలో శుక్రవారం లిస్టయ్యింది. లిస్టింగ్ సమయంలో షేర్ల ధర రూ.242 వద్ద స్థిరపడింది. లిస్టింగ్ అనంతరం, షేర్లు 28 శాతం పెరిగి ఇంట్రాడేలో గరిష్ఠంగా రూ.284ను తాకాయి. మధ్యాహ్నం 1.45 గంటల సమయానికి, షేర్లు 17 శాతం లాభంతో రూ.260 వద్ద ట్రేడవుతున్నాయి. దీని ద్వారా కంపెనీ మార్కెట్ క్యాపిటలైజేషన్ రూ.31,118 కోట్లకు చేరింది.
Details
నవంబర్ 7న ప్రారంభం
పైన్‌ల్యాబ్స్‌ రూ.3,900 కోట్ల మార్కెట్ ఫండ్స్ సమీకరించేందుకు ఐపీఓ ప్రారంభించింది. ఈ ఐపీఓ సబ్‌స్క్రిప్షన్ నవంబర్ 7న ప్రారంభమై, ఒక్కో షేరు ధర రూ.210-221గా నిర్ణయించారు. సబ్‌స్క్రిప్షన్ 2.46 రెట్లు ఎక్కువగా నమోదయ్యింది. కంపెనీ రూ.2,080 కోట్ల విలువైన షేర్లను ఫ్రెష్ ఇష్యూ ద్వారా జారీ చేసింది. అదనంగా 8.23 కోట్ల ఈక్విటీ షేర్లను ఆఫర్ ఫర్ సేల్ ద్వారా విక్రయానికి ఉంచారు. ఐపీఓ ద్వారా సమీకరించిన నిధులను, కంపెనీ విదేశాల్లోని తన అనుబంధ సంస్థల సేవలకు పెట్టుబడులకు వినియోగించే ఉద్దేశ్యంతో ఉంది. ముఖ్య పోటీ సంస్థల్లో పేటీఎం, రేజోర్ పే, పేయూ పేమెంట్స్‌, ఫోన్‌పే వంటి కంపెనీలు ఉన్నాయి.