జుకర్ బర్గ్ తో ఫైటింగ్ చేస్తానంటున్న ఎలాన్ మస్క్: కౌంటర్ వేసిన థ్రెడ్స్ అధినేత
ఎక్స్ (గతంలో ట్విట్టర్) అధినేత ఎలాన్ మస్క్, థ్రెడ్స్ సృష్టించిన జుకర్ బర్గ్ మధ్య సోషల్ మీడియాలో ఆసక్తికరమైన సంభాషణ జరుగుతోంది. ఎక్స్ కు పోటీగా థ్రెడ్స్ పేరుతో కొత్త మైక్రో బ్లాగింగ్ ఫ్లాట్ ఫామ్ ని జుకర్ బర్గ్ తీసుకొచ్చాడు. అప్పటి నుండి ఎక్స్, థ్రెడ్స్ మధ్య కౌంటర్ల వార్ జరుగుతూనే ఉంది. తాజాగా తనకూ, జుకర్ బర్గ్ కి మధ్య వార్ జరగబోతుందని, ఆ వార్ ని ఎక్స్ లో ప్రత్యక్షంగా వీక్షించవచ్చని, అలా వీక్షించినవారి దగ్గరి నుండి వచ్చిన డబ్బులన్నీ ఛారిటీకి విరాళంగా వెళ్తాయని ఎలాన్ మస్క్ అన్నారు. ఈ మాటలకు జుకర్ బర్గ్ కౌంటర్ ఇచ్చారు.
ఎక్స్ పై నమ్మకం లేదని జుకర్ బర్గ్ కౌంటర్
ఛారిటీకి ఇవ్వాలనుకుంటే ఏదైనా నమ్మకమున్న ఫ్లాట్ ఫామ్ లో లైవ్ స్ట్రీమింగ్ ఉండాలని, ఎక్స్ అనేది నమ్మకమైన ఫ్లాట్ ఫామ్ కాదని ఎక్స్ లో ఎలాన్ మస్క్ పోస్ట్ చేసిన పోస్టు స్క్రీన్ షాట్ ని థ్రెడ్స్ లో పోస్ట్ చేసి, దానికి సమాధానంగా చెప్పాడు. ప్రస్తుతం థ్రెడ్స్ లో ఎలాన్ మస్క్ పోస్ట్ వైరల్ గా మారింది. మరోవైపు ఎలాన్ మస్క్, జుకర్ బర్గ్ ఇద్దరు ఫైట్ చేస్తే ఎవరు గెలుస్తారనే విషయంలో ఆల్రెడీ ఆన్ లైన్ లో బెట్టింగులు మొదలయ్యాయి. మొత్తానికి ప్రపంచ కుబేరుల మధ్య సోషల్ మీడియాలో జరుగుతున్న యుద్ధం అందరికీ ఆసక్తిగా మారిపోయింది.
