Sensex Opening Bell: లాభాల్లో స్టాక్ మార్కెట్ సూచీలు.. సెన్సెక్స్ 150 పాయింట్లు, నిఫ్టీ @22950
వారం మొదటి ట్రేడింగ్ రోజు దేశీయ స్టాక్ మార్కెట్ ప్రారంభ లాభాల తర్వాత ఫ్లాట్‌గా ట్రేడవుతున్నట్లు కనిపిస్తోంది. ఉదయం 10:19 గంటలకు సెన్సెక్స్ 98.09 (0.13%) పాయింట్ల లాభంతో 75,488.59 వద్ద ట్రేడవుతోంది. మరోవైపు, నిఫ్టీ 44.71 (0.19%) పాయింట్ల లాభంతో 22,977.15 స్థాయి వద్ద ట్రేడవుతోంది. అంతకుముందు, మంగళవారం దేశీయ మార్కెట్లలో ప్రారంభ ట్రేడింగ్‌లో పెరుగుదల కనిపించింది. ప్రారంభ ట్రేడింగ్‌లో బిఎస్‌ఈ 30 షేర్ల సూచీ సెన్సెక్స్ 194.9 పాయింట్లు పెరిగి 75,585.40 వద్దకు చేరుకుంది. ఎన్‌ఎస్‌ఈ నిఫ్టీ 59.95 పాయింట్లు పెరిగి 22,992.40 వద్ద స్థిరపడింది.
మూడో సెషన్‌లో రికార్డు స్థాయిలో పెరిగిన స్టాక్ మార్కెట్లు
సెన్సెక్స్ లిస్టెడ్ కంపెనీల్లో ఎన్‌టీపీసీ, జేఎస్‌డబ్ల్యూ స్టీల్, టాటా స్టీల్, విప్రో, స్టేట్ బ్యాంక్ ఆఫ్ ఇండియా, లార్సెన్ అండ్ టూబ్రో, బజాజ్ ఫైనాన్స్, మహీంద్రా అండ్ మహీంద్రా, హెచ్‌డీఎఫ్‌సీ బ్యాంక్, రిలయన్స్ ఇండస్ట్రీస్ షేర్లు అత్యధికంగా లాభపడ్డాయి. టెక్ మహీంద్రా, ఐటీసీ, పవర్ గ్రిడ్, ఏషియన్ పెయింట్స్, టైటాన్ షేర్లు నష్టపోయాయి. లోక్‌సభ ఎన్నికల ఫలితాలకు ముందు, స్టాక్ మార్కెట్లు సోమవారం వరుసగా మూడో సెషన్‌లో రికార్డు స్థాయిలో పెరిగాయి. సార్వత్రిక ఎన్నికల ఫలితాలు జూన్ 4న వెల్లడికానున్నాయి. ఆసియా మార్కెట్లలో దక్షిణ కొరియాకు చెందిన కోస్పి, హాంకాంగ్‌కు చెందిన హ్యాంగ్ సెంగ్ లాభాల్లో ఉండగా, జపాన్‌కు చెందిన నిక్కీ, చైనాకు చెందిన షాంఘై కాంపోజిట్ నష్టాల్లో ఉన్నాయి.
బ్రెంట్ క్రూడ్ ఫ్యూచర్స్ బ్యారెల్‌కు 0.23 శాతం పెరిగింది
'స్మారక దినోత్సవం' సందర్భంగా సోమవారం అమెరికా మార్కెట్లు క్లోజ్ అయ్యింది. ప్రపంచ చమురు బెంచ్‌మార్క్ అయిన బ్రెంట్ క్రూడ్ ఫ్యూచర్స్ బ్యారెల్‌కు 0.23 శాతం పెరిగి US$83.29 వద్ద ట్రేడవుతోంది. స్టాక్ మార్కెట్ డేటా ప్రకారం, విదేశీ సంస్థాగత పెట్టుబడిదారులు (ఎఫ్‌ఐఐలు) సోమవారం క్యాపిటల్ మార్కెట్‌లో అమ్మకందారులుగా ఉన్నారు. నికర రూ. 541.22 కోట్ల విలువైన షేర్లను విక్రయించారు.
