మే నెలలో అల్‌టైం రికార్డు సృష్టించిన యూపీఐ పేమెంట్స్.. తెలిస్తే షాక్ అవ్వాల్సిందే!
ఈ వార్తాకథనం ఏంటి
యూపీఐ లావాదేవీలు ప్రతి నెలా రికార్డు స్థాయిలో పెరుగుతూనే ఉన్నాయి. మే నెలలో ఏకంగా 9 బిలియన్ లావాదేవీలు జరగడం విశేషం.
వీటి విలువ రూ.14 లక్షల కోట్ల కన్నా ఎక్కువనే అని చెప్పొచ్చు. 2022 మేతో పోలిస్తే యూపీఐ ట్రాన్సాక్షన్లు ఏకంగా 58శాతం పైగా పెరగడం గమనార్హం.
వాల్యూమ్స్ పరంగా ఇదే అత్యధికం కావడం విశేషం. 2016లో తొలిసారిగా ఇండియాలో యూపీఐను లాంచ్ చేసిన విషయం తెలిసిందే. అప్పటి నుంచి లావాదేవీలు రోజు రోజుకూ పెరుగుతూనే వస్తున్నాయి.
2023 ఆర్థిక ఏడాదిలో 38 బిలియన్ లావాదేవీలు జరిగాయి. వాటి విలువ రూ.84లక్షల కోట్లుగా ఉంది. ఈసారి ఆర్థిక ఏడాది రెండో నెలలోనే రికార్డు స్థాయిలో రూ.14 లక్షల కోట్లు లావాదేవీలు జరిగాయి.
Details
విదేశీలకు అందుబాటులో యూపీఐ సేవలు
డిజిటల్ ఇండియా వృద్ధికి ప్రజలు కృషి చేయడం అమోఘమని, యూపీఐ సేవలను ప్రజలు వినియోగించుకోవడంపై అధికారులు సంతోషం వ్యక్తం చేస్తున్నారు.
అయితే భారత్ ప్రభుత్వం ఈ ఏడాది ఫిబ్రవరిలో యూపీఐకు సంబంధించి మరో కీలక నిర్ణయం తీసుకుంది.
ఇండియా సందర్శనకు వచ్చే విదేశీలు సైతం యూపీఐ సేవలను ఉపయోగించుకోవచ్చని స్పష్టం చేసింది.
ఇది జీ-20దేశాల ప్రజలకు మాత్రమేనని, అది కూడా విమానాశ్రయాల్లో దిగిన పర్యాటకులకే వర్తిస్తుందని భారత ప్రభుత్వం స్పష్టం చేసింది.