Powerful Passports: ప్రపంచంలోని అత్యంత శక్తివంతమైన పాస్‌పోర్ట్ టాప్ 10 జాబితా నుండి అమెరికా ఔట్!.. ఇండియా స్థానం ఎక్కడుందంటే ?
ఈ వార్తాకథనం ఏంటి
20 ఏళ్ల చరిత్రలో మొదటి సారి, హెన్లీ పాస్‌పోర్ట్ ఇండెక్స్‌లో అమెరికా పాస్‌పోర్ట్ టాప్ 10లో లేదు. 2014లో మొదటి స్థానంలో ఉన్న అమెరికా,ఈసారి మలేషియాతో పాటు 12వ స్థానంలో ఉంది. ఈ రెండు దేశాల పౌరులు 227 దేశాల్లో 180 దేశాలకు వీసా లేకుండా వెళ్లవచ్చు. లండన్ కేంద్రంగా హెన్లీ పాస్‌పోర్ట్ ఇండెక్స్, ఇంటర్నేషనల్ ఎయిర్ ట్రాన్స్‌పోర్ట్ అసోసియేషన్ (IATA) డేటాను ఉపయోగిస్తుంది. "శక్తివంతమైన" పాస్‌పోర్ట్ అంటే, దాని యజమాని ఎక్కువ దేశాల్లో వీసా లేకుండా ప్రవేశించగలడు అని అర్థం.
వివరాలు
ఆసియా దేశాల ఆధిపత్యం
ప్రస్తుతం పాస్‌పోర్ట్ ర్యాంకింగులో ఆసియా దేశాలు ముందున్నాయి. సింగపూర్ టాప్‌లో ఉండి, 193 దేశాలకు వీసా-ఫ్రీ ప్రవేశాన్ని కలిగి ఉంది. దక్షిణ కొరియా 190 దేశాలతో రెండో స్థానం, జపాన్ 189 దేశాలతో మూడో స్థానంలో ఉంది. జర్మనీ, ఇటలీ, స్పెయిన్, స్విట్జర్లాండ్ వంటి యూరోపియన్ దేశాలు కూడా అమెరికా కంటే ముందున్నాయి. పాశ్చాత్య దేశాల పాస్‌పోర్ట్ ఆధిపత్యంతో, అమెరికా, యూకే వంటివి, కాస్త తగ్గుతున్నాయి అని స్పష్టంగా కనిపిస్తోంది.
వివరాలు
భారత పాస్‌పోర్ట్ ర్యాంకు ఎక్కడ ఉంది?
2025లో భారత్ పాస్‌పోర్ట్ 77వ స్థానంలో ఉంది. గత సంవత్సరం 85వ స్థానంలో ఉండగా, 2006లో 71వ స్థానం, 2021లో 90వ స్థానమే అత్యల్పం. భారత పౌరులు సుమారు 60 దేశాలకు వీసా-ఫ్రీ లేదా ఆరైవల్ వీసాతో ప్రయాణించవచ్చు. ఫిలిప్పీన్స్, శ్రీలంక వంటి దేశాలు ఇప్పుడు వీసా-ఫ్రీ సౌకర్యంలో ఉన్నాయి. ఆంగోలా, బర్బడోస్, భూటాన్, బ్రిటిష్ వర్జిన్ ఐలాండ్, బురుండి, కాంబోడియా, కేప్ వెర్డే, కోమోరో ఐలాండ్స్ వంటి దేశాలకు కూడా భారత పౌరులు వీసా లేకుండా వెళ్లవచ్చు. చైనా పాస్‌పోర్ట్ 2015లో 94వ స్థానంలో ఉండగా, 2025లో 64వ స్థానానికి ఎగబాకింది. రష్యా, గల్ఫ్ దేశాలు, దక్షిణ అమెరికా, కొన్ని యూరోపియన్ దేశాలలో చైనా పౌరులు వీసా-ఫ్రీ ప్రయాణం పొందుతున్నారు.
వివరాలు
అమెరికా పాస్‌పోర్ట్ పడిపోవడానికి గల కారణం
అమెరికా పాస్‌పోర్ట్ తగ్గిన కారణంగా,ఇటీవల ప్రపంచంలో కొన్ని దేశాలు తమ వీసా విధానాలను మార్చాయి.బ్రెజిల్ 2025 ఏప్రిల్‌లో అమెరికా పౌరులకు వీసా-ఫ్రీ ప్రవేశాన్ని రద్దు చేసింది. చైనా,వియత్నాం ఇటీవల అమెరికా పౌరులకు వీసా-ఫ్రీ ప్రవేశాన్ని నిలిపివేశాయి. పాప్యుా న్యూ గినియా,మయన్మార్,సోమాలియా కొత్త ఇ-వీసా వ్యవస్థలు ప్రారంభించడంతో అమెరికా పౌరుల ప్రవేశం తగ్గింది. "గత పదేళ్లలో అమెరికా పాస్‌పోర్ట్ శక్తి తగ్గడం కేవలం ర్యాంక్ మారినట్లు కాదు. ఇది ప్రపంచవ్యాప్తంగా ప్రయాణాలు,ఇతర దేశాలపై ప్రభావం(సాఫ్ట్ పవర్)లో పెద్ద మార్పు జరుగుతున్నట్టే సూచిస్తుంది. ఓపెన్‌గా,ఇతర దేశాలతో సహకారం చేసుకునే దేశాలు ముందుకు వస్తున్నాయి. పాత ప్రత్యేక హక్కుల మీద ఆధారపడిన దేశాలు వెనక్కి వెళుతున్నాయి"అని హెన్లీ & పార్ట్నర్స్ చైర్ క్రిస్టియన్ హెచ్. కెలిన్ చెప్పారు
వివరాలు
2025లో అత్యంత శక్తివంతమైన టాప్ 10 పాస్‌పోర్టులు
2014లో అమెరికా నంబర్ 1 స్థానం కలిగి ఉండగా, ఈ సంవత్సరం టాప్ 10లో నిలిచింది. అమెరికా పౌరులు 180 దేశాలకు వీసా-ఫ్రీ ప్రయాణం చేయగలరు, కానీ అమెరికా లోకి వీసా లేకుండా ప్రవేశించే దేశాలు కేవలం 46 మాత్రమే. ఈ "లిమిటెడ్ ఓపెనెస్" కారణంగా అమెరికా హెన్లీ ఓపెనెస్ ఇండెక్స్‌లో 77వ స్థానంలో ఉంది. సింగపూర్ - 193 దేశాలు దక్షిణ కొరియా - 190 జపాన్ - 189 జర్మనీ, ఇటలీ, లక్సంబర్గ్, స్పెయిన్, స్విట్జర్లాండ్ - 188 ఆస్ట్రియా, బెల్జియం, డెన్మార్క్, ఫిన్లాండ్, ఫ్రాన్స్, ఐర్లాండ్, నెదర్లాండ్స్ - 187 గ్రీస్, హంగరీ, న్యూ జీలాండ్, నార్వే, పోర్చుగల్, స్వీడన్ - 186
వివరాలు
2025లో అత్యంత శక్తివంతమైన టాప్ 10 పాస్‌పోర్టులు
ఆస్ట్రేలియా, చెక్ రిపబ్లిక్, మాల్టా, పోలాండ్ - 185 క్రొయేషియా, ఎస్టోనియా, స్లోవాకియా, స్లోవేనియా, UAE, UK - 184 కెనడా - 183 లాట్వియా, లిచ్‌టెన్‌స్టైన్ - 182 ఐస్‌లాండ్, లిథువేనియా - 181 USA, మలేషియా - 180
వివరాలు
తక్కువ శక్తివంతమైన పాస్‌పోర్ట్‌లు:
అఫ్గనిస్తాన్ - 106వ, 24 దేశాలు సిరియా - 105వ, 26 దేశాలు ఇరాక్ - 104వ, 29 దేశాలు