Zomoto: జొమాటోలో న్యూ ఫీచర్.. ఇక ఆర్డర్‌ని 'షెడ్యూల్' చేసుకొనే అవకాశం
ఈ వార్తాకథనం ఏంటి
దిగ్గజ ఫుడ్ డెలివరీ ప్లాట్‌ఫామ్ సంస్థ జొమాటో సరికొత్త ఫీచర్‌ను లాంచ్ చేసింది. ఈ ఫీచర్ సాయంతో కస్టమర్లు ఆర్డర్లను ముందే 'షెడ్యూల్' చేసుకొనే అవకాశం ఉంటుంది.
ఫుడ్ ఆర్డర్లను రెండు రోజుల ముందుగానే షెడ్యుల్ చేసుకోవచ్చు. ఈ సర్వీస్ ప్రస్తుతం కొన్ని భారతీయ నగరాలలో అందుబాటులోకి వచ్చింది.
ఈ కొత్త ఫీచర్‌ని లాంచ్ చేస్తున్నట్లు జొమాటో వ్యవస్థాపకుడు, సీఈఓ దీపిందర్ గోయల్ సోషల్ మీడియా వేదికగా ప్రకటించాడు.
తాము నిర్ణీత సమయం లోపలే డెలవరీ చేస్తామని ఆయన వెల్లడించారు.
Details
13,000 రెస్టారెంట్లలో 'షెడ్యూల్' ఫీచర్
ప్రస్తుతం దిల్లీ ఎన్సీఆర్, బెంగళూరు, ముంబై, అహ్మదాబాద్, చండీగఢ్, లక్నో, జైపూర్లోని సుమారు 13,000 రెస్టారెంట్లలో ఈ సర్వీస్ అందుబాటులో ఉందని గోయల్ తెలిపారు.
రెండు రోజుల ముందే ఆర్డర్ ఇవ్వడం ద్వారా మీ ఫుడ్ ని బాగా ప్లాన్ చేసుకొనే అవకాశం ఉంటుందన్నారు.
భవిష్యత్తులో ధరతో సంబంధం లేకుండా అన్ని ఆర్డర్లకు అందుబాటులో ఉంటుందని, ఈ ఫీచర్‌ని మరింతగా విస్తరించామని సీఈఓ పేర్కొన్నారు.
అయితే ఈ కొత్త ఫీచర్పై నెటిజన్లు పలు అనుమానాలు వ్యక్తం చేస్తున్నారు. షెడ్యూలింగ్ ఫీచర్తో ఫుడ్ని వేడివేడిగా వండి ఇస్తారన్న నమ్మకం ఏంటి అని ప్రశ్నిస్తున్నారు.