Blackout Movie: డైరెక్ట్ గా ఓటీటీలోకి 'బ్లాక్‌అవుట్' మూవీ..ఎప్పుడో తెలుసా?
విక్రాంత్ మాస్సే సినిమా '12th ఫెయిల్' మ్యాజిక్ ఇప్పటికీ చెక్కుచెదరలేదు. నేటి వరకు ఈ సినిమా గురించే మాట్లాడుకుంటున్నారు. ఈ బ్లాక్‌బస్టర్ చిత్రం తర్వాత, విక్రాంత్ ఇప్పుడు 'బ్లాకౌట్' సినిమాలో నటిస్తున్నాడు. ఈ సినిమా టీజర్ విడుదలైంది. తక్కువ బడ్జెట్ చిత్రాలలో కూడా అద్భుతంగా నటించి తనదైన ముద్ర వేసే నటుడు విక్రాంత్ మాస్సే. తన పాత్రల్లో ప్రయోగాలు చేసే విక్రాంత్ మరోసారి తన నటనతో జనాల మనసు దోచుకుంటాడేమో అనిపిస్తుంది. టీజర్ చూసిన అభిమానులు చాలా హ్యాపీగా ఉన్నారు. అనిల్ కపూర్ ఈ సినిమా టీజర్‌ను విడుదల చేశారు. ఇందులో విక్రాంత్ మాస్సే పాత్ర కాస్త గ్రే షేడ్ పాత్ర.
థియేటర్లలో కాకుండా నేరుగా ఓటీటీలోకి
ఈ చిత్రంలో మెస్సీ దొంగ పాత్రలో నటిస్తున్నాడు. కొన్నిసార్లు అతను తుపాకీతో , మరి కొన్నిసార్లు ఆనందంతో పాట పాడటం కనిపిస్తుంది. ఈ టీజర్‌లో విక్రాంత్‌తో పాటు సునీల్ గ్రోవర్, మౌని రాయ్ కూడా ఉన్నారు. టీజర్ నేపథ్యంలో అనిల్ కపూర్ వాయిస్ ఓవర్ ఇచ్చారు. కాగా, బ్లాక్ఔట్ సినిమా థియేటర్లలో కాకుండా నేరుగా ఓటీటీలోకే వచ్చేస్తోంది.. ఈ సినిమా జూన్ 7న నేరుగా ప్రముఖ ఓటీటీ సంస్థ జియో సినిమాలో రిలీజ్ కాబోతుంది. ఈ మూవీ హిందీతో పాటు తెలుగు, తమిళం, కన్నడ, మరాఠీ, బెంగాలీ భాషల్లోనూ జూన్ 7 నుంచి జూన్ 7న స్ట్రీమింగ్‍కు తీసుకురానున్నట్టు జియో సినిమా ప్రకటించింది. ఈసినిమా ఓటీటిలో ఎలాంటి రెస్పాన్స్ ను అందుకుంటుందో చూడాలి..
